Afilmõ 1:6 - ZE'ELEGO PAALEGA

⁶ Mam pu'uheri mɛ ti fum wan tara fum sakerɛ la tuna, fum han bɔkɛ tuunsuma sɛ'a za'a ti tu tara Kiresta puan la.

Farefare Ninkaré

⁶ Mam sosrɩ Nawẽnnɛ tɩ fõn lagɩm na tõma bɔ Azezi-krisi sɩra la wʋn sẽnna nẽŋa, a wʋn basɛ tɩ fʋ bãŋɛ bõn-sõma sɛba wuu tɩ tɩ tarɩ Krisi doosgo pʋam.

Afilmõ 1:6 Iomraidhean Croise

Amatie 25:16

Se'em en to'e talenta anuu la, kiŋɛ mɛ kalam ta leebe ta koohe la talenta banuu nyɛ anuu pa'ahɛ.

Amatie 5:16

Bala mɛa, bahɛ ya ti ya niifum la niira nɛreba nɛŋan, ti ba nyɛ ya tuunsuma la, la ba dikɛ pɛka bo' ya Sɔ en boi saazuo ha la.

1 Korẽntɩ 14:25

Yelesɛ'a en sugɛ a suure puan la han niiɛ na, nɛra la wan kpa' duma, lu tiŋa aliko Yinɛ nɛŋan, na'ahɛ en, gee muulɛ yeti, “Yinɛ sirum boi mɛ la ya.”

1 Korẽntɩ 16:9

Se'ere en sɔi la, kulenkãtɛ en yu'ɛ bo' mam ti n tum tuuma n tari zuo, gee dinduma en zo'e.

Filipi 4:8

Ba'ahegɔ za'a, n suurɔ, sɛla woo en de yelemɛŋerɛ, sɛla woo en tari na'ahegɔ, sɛla woo en de ma'a, sɛla woo en ka tari dɛgerɔ, sɛla woo en peere puurɛ, sɛla woo n nari. Sɛla han bɔna di mi'a, sɛla en boi nara pɛka, ti'iheri ya yele ana wa yele.

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 3:10

gee yɛ ya naanɛ paalega la pi' ya mɛhi, naanɛ se'ere en teere de mɛŋa saŋa woo ti de baŋɛ de Naana la mi'ilum la paaɛ paaɛ.

Taitusi 3:14

Gee bahɛ ti nɛreba la zamehɛ ba kaabɛ ba mɛhi bo' tuunsuma, la ba ta'am suŋera yelesɛ'a en ni di'e na la, ti ba da bahɛ yoo.

Hiburuduma 6:10

Yinɛ dagi se'em n ka bo'ori buurɔ. A kan mum a nini la ya tuuma la, la ya nɔŋerɛ la ti ya pa'alɛ a yu'urɛ zuo la, doohe la yan bihɛ nɛresunduma la se'em, wuu yan kelum ita se'em wa la.

Yemesi 2:14

Beni nyuurɔ en boi bini n suurɔ, se'em han yeti a tari la sakerɛ gee ka tari tuna? Fum sakerɛ la wan faaɛ hɔ bahɛ yoi'?

Yemesi 2:17

Bala, sakerɛ ma'a, han ka tara tuna ki mɛ.

1 Pita 2:12

Tara ya mɛhi suŋa sɛba en dagi Yuuduma la zi'an, bala ti ban pun dikɛ ya yi' be'em duma la, ba wan nyɛ ya tunsuma la, gee pɛgera Yinɛ, a han ta wa'am na ti a gakɛ.

1 Pita 3:1

Pɔgeba, bala mɛa, sigehe ya mɛhi bo' ya mɛhi sireba, ti basɛba han pun ka nam yelehum la, ba wan nyaŋɛ ba, gee pun ka yele se'ere, gee ba pɔgeba aŋa la ma'a,

1 Pita 3:16

Tari ya susunɛ, ti ba han pun yi'ira ya yu'yooro, sɛba en keheri ya itesuŋɔ Kiresta puan la, vi wan di ba.

2 Pita 1:8

Yele ana han sirum bɔna ya puan, gee malum pa'aha ya puan, la wan gu', ti ya ka tara tɔregɔ, gee gu' sɛla en wan bahɛ ti ya kan wuna yan mi' tu Daana Yezu Kiresta la.