Afilmõ 1:16 - ZE'ELEGO PAALEGA

¹⁶ a han lebe na a kan le dɛna da'aberɛ, a gana da'aberɛ mɛ, a dela sunɔŋerɛ suuɔ bu — yele yele mam, gee la wan gana bala fum zi'an, inganɛ puan, la Daana la me puan.

Farefare Ninkaré

¹⁶ La a ka le dɛna fʋ to'oge ẽ tɩ a dɛna fʋ yamŋa mã'a, a gãnnɩ yamŋa mɛ, a yãŋa de la sɔbi-nõŋrɛ. Mam nõŋɛ ẽ mɛ halɩ zozo'e, la fõn wʋn nõŋɛ ẽ gãnna, se'ere n soe la, a de la fʋ yamŋa dee ken dɛna fʋ sɔbia Zuudãana doosgo pʋam.

Afilmõ 1:16 Iomraidhean Croise

Amatie 23:8

Gee ba kan yi'ira yamam Rabi se'ere en sɔi la ya tari la pa'ala ayima ti yamam za'a dɛna suurɔ.

Tõoma 9:17

Ŋwana ti Ananiya kiŋɛ, ta paaɛ kɛ̃ yire la puan. Dikɛ a nu'uhi pagelɛ a zuo, gee yele en yeti, “N suuɔ Sɔɔl, Daana Yezu se'em n niiɛ a mɛa pa'alɛ hɔ fum boni sore zuo yɛ'a ka'lam na la, n tum mam ti n wa'am na ti fum nini la le nyɛta, gee ti Fa'a Sia la me pirɛ hɔ.”

1 Korẽntɩ 7:22

Se'ere en sɔi la, se'em ti ba yi' en ti a dɛna da'aberɛ Daana la puan, dela se'em en boi fai, dɛna Daana la dinɛ, wuu se'em en daa boi fai gee ti Yinɛ yi' fum ti fum dɛna da'aberɛ se'em bo' Kiresta la.

Kolɔsɩ 3:22

Da'aba, nane ya sɛba en sɔi ya tiŋa zuo wa la sɛla woo puan, dagi la ban boi ya nɛŋan la ma'a, ti ya ita ti ba puurɛ, gee ita ya bala la ya suure za'a, la Daana la zoolum.

1 Timoti 6:2

Sɛba kpɛ'ɛnduma en de sakereba la, ba da zɛɛna ba, se'ere zuo, ba dela lageŋɔ la puan nɛreba. Gee ba tugum tuna suŋa suŋa bɔ'ɔra ba, se'ere en sɔi la, sɛba en diti ba tuuma la nyuurɔ dela sakereba, en de ba suurɔ ti ba nɔŋɛ. Pa'ala gee ka'ana ba yele ana wa la ninmu'urɛ.

Hiburuduma 3:1

Bala zuo n suurɔ, n tuulum nɛre tadaanduma Yinɛ saazuo yi'a wa puan wa, bihɛ ya suŋa suŋa Yezu en de tuntuna, gee dɛna malema kiima bo' tumam sakerɛ yelehum la wa la,

1 Zã 5:1

Se'em woo en nam ti Yezu en de Kiresta la, Yinɛ en dɔgɛ a daana, se'em woo en nɔŋɛ dɔgera la, me nɔŋɛ se'em ti a dɔgɛ la mɛ.