2 Timoti 1:1 - ZE'ELEGO PAALEGA

¹ Pɔɔl, Kiresta Yezu tuntuna, Yinɛ suboolum puan, doohe nɔbiŋere la en biŋe doohe vom sebo en boi Kiresta Yezu puan la zuo.

Farefare Ninkaré

¹ Mam Apolɩ n de Azezi-krisi Tõntõnna wʋ Nawẽnnɛ n boorɩ se'em, tɩ m mõolɛ vɔm sɛka tɩ Nawẽnnɛ bĩŋe nõorɛ tɩ a bɔ tɔ Azezi-krisi ĩyã la yelle.

2 Timoti 1:1 Iomraidhean Croise

Azã 10:28

Mam bo'ori si la vomkanba'ahɛ, ti si kan malum bahɛ yoo. Se'em me ka boi wan ta'am zɛ piihi wa mam nu'en faaɛ.

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Azã 6:40

Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Azã 6:54

Se'em en obe mam inganɛ, gee nyu mam ziim la n wan tari vomkanba'ahɛ, ti n ihige en ba'ahegɔ daarɛ.

Aromduma 1:1

Mam Pɔɔl, Yezu Kiresta da'aberɛ, ti Yinɛ ayi' mam ti n dɛna tuntuna, yehe mam ze'ele bo' Yinɛ Faarɛ yelehum la ma'a,

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

1 Korẽntɩ 1:1

Pɔɔl, se'em ti Yinɛ yi' ti, a dɛna Kiresta Yezu tuntuna, doohe Yinɛ mɛŋa suboolum la, la tu suuɔ Sositenese

2 Korẽntɩ 1:1

Mam Pɔɔl, n de Yezu Kiresta tuntuna, doohe la Yinɛ sumboolum, la Timoti tu suuɔ la en gulehɛ bɔ'ɔra Yinɛ lageŋɔ la n boi Korinti puan la, la nɛresunduma la woo n boi Akaiya tiŋa puan za'a la.

2 Korẽntɩ 1:20

Se'ere en sɔi la, eŋa puan, Yinɛ nɔbiŋe a woo dela “Ɛ̃ɛ.” Dina wa zuo, la dole la eŋa puan ti tu ni yeti “Taari la,” Yinɛ sɔna na'ahegɔ.

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Efɛɛzɩ 3:6

De vuurɛ dela, sɛba n dagi Yuuduma wa nyaa lagum dɛna la sɛba en tari tɔtɛ, lagum dɛna iŋa kayima la nɛresɛba n wan lagum to'e nɔbiŋere lɔkɔ la Kiresta Yezu puan, faarɛ yelehum la zuo.

1 Timoti 6:19

Ŋwana ti ba wan ka'aha lɔgeseto en wan bo' ba beere ɛ̃berɛ sunɛ la biŋera saazuo ha, la ba beere tara vom sebo en sirum de vom la.

2 Timoti 1:10

gee de nyaa niiɛ mɛ na, doohe tu Faara Kiresta Yezu niirɛ na la puan, se'em en wa'am na sagum kum paŋa, gee tari vom la sɛla en ka kiiri, ti la niiɛ peelumen na, doohe faarɛ yelehum la puan.

2 Timoti 1:13

Gurɛ yelemɛŋerɛ pa'alegɔ la suŋa, sebo ti fum wum mam zi'an la, la sakerɛ la nɔŋerɛ se'ere en boi Kiresta Yezu puan la.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

2 Timoti 2:1

Nananawa, fum n bia wa, kpe'em mɛ la zu'uhegɔ seko en boi Kiresta Yezu puan la,

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

2 Timoti 2:3

Lagum nameha wuu fum de Kiresta Yezu pɛntiira suŋa la.

2 Timoti 3:15

ze'ele fum biilemen na, fum mi' fa'a gulehegɔ wa, en wan ta'am pa'alɛ fum ti fum nyɛ faarɛ doohe sakerɛ Kiresta Yezu puan.

Taitusi 1:2

beere puti'irɛ en de vom kamba'ahɛ la, ti Yinɛ en ka pareni wa biŋe nuurɛ gee baŋɛ naam tiŋa wa la.

Taitusi 1:4

Mam en guleheri bɔ'ɔra fum Taitusi en de mam sunɔŋerɛ dayua, sakerɛ se'ere ti tu lagum dɔla la puan. Zu'uhegɔ la suma'ahum en ze'ele Yinɛ en de Sɔ la, la Kiresta Yezu en de tu Faara la bɔna la ya.

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

1 Zã 2:25

Sɛla ti Yinɛ mɛŋa biŋe nuurɛ la tɔ n ŋwana, Yinɛ vom sumɔ n kamba'ahɛ.