1 Timoti 4:1 - ZE'ELEGO PAALEGA

¹ Nananawa, Fa'a Sia la yele ti la niiɛ mɛ, ti ba'ahegɔ saŋa la, sɛba wan zagehɛ ba Kiresta kɔma sakerɛ la, doohe la ban kelehe pã'ahegɔ sɛɛhi, la kulekpa'bɛ'ɛhi pa'alegɔ,

Farefare Ninkaré

¹ Nawẽnnɛ Sɩa tɔgɛ mɛ vẽelga vẽelga yetɩ, dũnia ba'asgɔ wakatɛ, nẽrba basɛba wʋn basɛ Nawẽnnɛ sore doosgo, dee dɔla sɛla n de pã'asgɔ, la kʋlkã'arsɩ põmpɔrŋɔ zãsŋɔ.

1 Timoti 4:1 Iomraidhean Croise

Amatie 18:7

Yele boi tiŋa wa zuo, la sɛla en piti nɛreba lubera n boi ka zuo la. Yele sɛ'a en piti nɛreba lubera wan ba'afum wa'am me na, gee yele boi fum se'em daana zuo ti pirega lɔkɔ wa wan ze'ele na la.

Aluki 17:1

Ti a yele a zahereba la yeti, “Yelesɛ'a n piti nɛra lubera wan ba'ahum bɔna mɛ, gee yele boi fum se'em zi'an ti yele ana wa ze'ele na la!

Azã 16:13

Gee se'em en de Sia yelemɛŋerɛ la han ta wa'am na, a wan gu'ura ya ti ya mina yelemɛŋerɛ la za'a. Se'ere n sɔi la, a ka yeti a tɔgera la a mɛŋa yetɔgum, gee a wan tɔgɛ la sɛla woo ti a wum Yinɛ zi'an, ti a wan muulɛ bo' ya yele sɛ'a n wan wa'am na.

Tõoma 13:2

Daarɛ deyima ti ba bɔna Daana la na'ahegɔ puan la nɔlurɛ, ti Fa'a Sia la tɔgɛ yeti, “Yehe ya Banabase la Sɔɔl ze'ele bo' tuunse'ere ti mam yi' ba ti ba tum la.”

Tõoma 17:18

Ti Epikureya la Sitoyiki yɛmduma wa'am na ŋmɛ'ɛra nɔkpe'ene la en. Ti sɛba yeti, “Gerego kuna me boti ku pa'alɛ la bem?” Ti sɛba me yeti, “A tɔgeri la tihi sise'ehi tingama yɛla.” (Se'ere n sɔi la Pɔɔl n muuli Yezu faarɛ yelehum la yeti a ki mɛ gee ihege la.)

Tõoma 20:23

han dagena Fa'a Sia la mɛŋa n yeti mam tiŋa woo ti n paara ka puan yeti, ti paka la mɛlehegɔ en ga' gura mam bini.

Tõoma 21:11

Wa'am tumam zi'an na, paaɛ na dikɛ Pɔɔl sɛganɛ lu' a mɛŋa nama la a nu'uhi, gee yeti, Fa'a Sia la yeti, “Ŋwana ti Yuuduma la n boi Yerusalɛm la wan ta lu' burasɛka n sɔi sɛganɛ wa, dikɛ en bu sɛba n dagi Yuda buuri la.”

Tõoma 28:25

Bala, ba ka sakɛ bo' taaba, bala zuo la, ban yiregerɛ la, Pɔɔl tɔgɛ yele deyima ma'a yeti: “Fa'a Sia la yuum tari la buurɔ la a yele ya yaabeduma doohe nɔtɔgeha Azaaya puan yeti,

1 Korẽntɩ 10:20

Aayi, mam yeti sɛla wa dela, sɛla ti bage kaabereba la ni kaabɛ bo' la, ba ni kaabɛ bo' la kulekpa'bɛ'ɛhi gee dagi Yinɛ. Mam ka boti ya dikɛ ya mɛhi naaɛ la kulekpa'bɛ'ɛhi.

1 Korẽntɩ 11:19

La de sira, yelehego wan ba'ahum bɔna ya puan. Se'ere en sɔi la, yele dina ma'a ti la wan niiɛ peelumen sɛba n de yelemɛŋerɛ Yinɛ pu'uheba ya puan.

1 Korẽntɩ 12:11

Nananawa, bo'olum buna wa za'a, Sia kayima wa n bahɛ ti ba tuna. Sia kayima mɛa n bo'ori nɛra woo a bo'olum a bo'olum wuu Sia la mɛŋa n boti se'em la.

1 Korẽntɩ 2:10

Yele ana ti Yinɛ niiɛ pa'alɛ tumam doohe Sia la puan. Se'ere en sɔi la, Sia la mi' sɛla woo mɛ, pun ta ta' yele sɛ'a en sugɛ Yinɛ zi'an.

2 Korẽntɩ 11:3

Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

Kolɔsɩ 2:18

Da bahɛ ti nɛra sigehe fum, doohe eŋa en boti se'em doohe sigehe n mɛŋa yooro, suŋereba pu'uhegɔ, zaaheŋɔ yɛla, banaduma ukeri mɛ la asaala puti'irɛ la pa'alɛ mɛŋa,

2 Timoti 3:13

Gee tuunfi'iha duma, la pumpã'ahum duma wan ze'ele sageŋɔ paaɛ nɔyalegerɛ. Ba wan pã'aha basɛba, ti basɛba me pã'aha ba.

2 Timoti 4:4

Gee wan biri pɔya, kan kɛleha yelemɛŋerɛ la, gee tuuna yɛ'a solum yooro puan.

Yemesi 3:15

Yɛm buna taaba ka ze'ele saazuo na, gee bu dela timpaberɛ wa zuo, ka dɛna sia puan, gee kulekpa'bɛ'ɛhi yɛm.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

2 Pita 2:1

Gee nɔtɔgeheba pumparenduma en yuum ihege na bɔna nɛreba la puan, wuu pumparenduma pa'aleba en wan bɔna ya puan se'em la, sɛba en wan li'ihɛ tari sageŋɔ puti'ira wa'am ya puan na. Ba wan pun ta zagehɛ ba Daana se'em en da' ba la, tari sageŋɔ wa'am ba mɛhi zuo na kalam.

2 Pita 3:3

Yia, ya za'a dela ya bɔkɛ ti, ba'ahegɔ dabeha la puan, sinsɛhi wan wa'am na, sɛna la ba mɛhi kunkoma'ahum,

1 Zã 2:18

N kɔma wa, la dela ba'ahegɔ saŋa. Yan pun wum ti Kiresta dima daana la kini na la, bala mɛa ti nananawa, Kiresta dima duma zo'e zo'e wa'am na. Ŋwana puan ti tu baŋɛ ti la dela ba'ahegɔ saŋa la.

1 Zã 4:6

Gee tumam ze'ele la Yinɛ zi'an na, se'em woo en mi' Yinɛ kelehe tumam mɛ, se'em woo n ka ze'ele Yinɛ zi'an na ka kelehe tu. Dina puan ti tu mina yelemɛŋerɛ sia, la pã'ahegɔ sia la.

Azudi 1:18

Ba daa yele ya yeti, “Ba'ahegɔ saŋa, nɛre kɛhereba wan bɔna, dɔla ba mɛhi en ka zoti Yinɛ la kunkoma'ahum.”

Azudi 1:4

Se'ere en sɔi la, nɛre be'ero tuseto en wa'am na zu gɛregɛ ya puan, nɛre sɛba ba'ahegɔ zi'an en boi sageŋɔ puan ban ka zoti Yinɛ la zuo, sɛba en tee Yinɛ zu'uhegɔ la ti ku dɛna yaalegɔ tuuma, ka nam tu kpɛ'ɛma ayima ma'a en de Daana Yezu Kiresta la.

Lilegere 13:14

Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 16:14

Bana wa dela kulekpa'bɛ'ɛhi se'ehi en tuna kirehi, kina timpaberɛ wa zuo na'kãreba nɛŋan, ti ba lagehɛ ba gura zaberɛ, dabeherɛ kãtɛ la en de Gani Za'a Yinɛ dabeherɛ la puan.

Lilegere 18:2

Ti suŋera wa yi' la kɔkɛ'ɛŋa yeti, “Wai wai, a lu ya, a lu ya, Babilɔn en de tinkãtɛ la lu ya! Ka nyaa lebege la kulekpa'bɛ'ɛhi bɔŋa zi'an, Ka dela kulekpa'bɛ'ɛhi se'ehi en fi'ɛ bɔŋa zi'an. Ka dela niihe se'ehi en fi'ɛ bɔŋa zi'an, la bunsɛlebɛ'ɛhi bɔŋa zi'an.

Lilegere 18:23

Butolela bugum niihum, kan le niiɛ fum puan, ti pɔge dita kua, la sire-ɛla kua kan le bɔna fum puan. Se'ere en sɔi la, fum leebeduma la en daa de tiŋa wa zuo nɛrekãreba, ti fum dikɛ fum nini la pã'ahɛ tihi wa za'a.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 2:11

Bahɛ ti se'em woo n tari tuba, a kɛleha Fa'a Sia la en yeti se'em bɔ'ɔra lageŋɔ la za'a la. Se'em woo en nyaŋɛ, kum buyi' la kan paaɛ en.

Lilegere 2:17

Bahɛ ti se'em woo en tari tuberɛ, a kɛleha Sia la en yeti se'em bɔ'ɔra lageŋɔ la za'a la. Fum se'em woo en nyaŋɛ, n wan bo' en maana dia la basɛba en dikɛ sugɛ la, gee bo' en maanɛ kugepeele, ti kugere wa zuo, ba gulehɛ la a yu'paalɛ iŋɛ de zuo, yu'se'ere ti se'em ka mina, han dagena fum se'em daana en to'e de la ma'a.

Lilegere 2:29

Bahɛ ti se'em woo en tari tuberɛ, a kɛleha sɛla ti Fa'a Sia la tɔgera bɔ'ɔra lageŋɔ la za'a la.

Lilegere 2:7

Bahɛ ti se'em woo en tari tuba, a kɛleha Fa'a Sia la en yeti se'em bɔ'ɔra lageŋɔ duma la. Se'em woo en nyaŋɛ, N wan bo' en sore ti a di vom tia la wala la en boi Yinɛ vo'ohego zi'an la.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.

Lilegere 20:8

A wan yehe na ti a pã'ahɛ nɛreba en boi timpaberɛ wa luga anaahi wa puan za'a. Gɔg la Magog, la a lagehɛ ba ti ba tɛ' pɛɛma. Ba kãlɛ zo'e mɛ wuu kulaa tintombi'ihego la.

Lilegere 3:13

Bahɛ ti se'em woo en tari tuba, a kɛleha sɛla ti Fa'a Sia la yɛta bɔ'ɔra lageŋɔ la za'a la.

Lilegere 3:22

Bahɛ ti se'em woo en tari tuba, a kɛleha Fa'a Sia la en yeti sɛla bɔ'ɔra lageŋɔ la za'a la.”

Lilegere 3:6

Bahɛ ti se'em en tari tuba, a kɛleha Sia la en yeti se'em bɔ'ɔra lageŋɔ la woo la.

Lilegere 9:20

Gee nɛre sɛba woo en gee, ti too kuna wa ka ku ba la, ka makɛ tee ba mɛhi ba nu'uhi en iti sɛla puan, bii ba bahɛ ba na'aha kulekpa'bɛ'ɛhi, la baga ti ba dikɛ salema, salempɛɛlega, la nyɔgum, la kuga, la dɔɔrɔ maalɛ ba ti ba ka nyɛta, bii wuna, bii kina la.