1 Timoti 3:16 - ZE'ELEGO PAALEGA

¹⁶ Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Farefare Ninkaré

¹⁶ Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

1 Timoti 3:16 Iomraidhean Croise

Amatie 1:23

“Bihɛ, pɔgesakãherɛ wan nyɔkɛ puurɛ dɔgɛ budibela, ti ba sigɛ ka yu'urɛ Emanuwɛl.” De vuurɛ dela, “Yinɛ boi la tɔ.”

Amatie 13:11

Ti a lerege ba yeti, “Han dɛna yamam, ba bo' yamam mɛ ti ya bɔkera saazuo sɔ'ɔlum la yele sɛ'a en sugɛ, gee ba ka bo' bamam bala.

Amatie 28:2

Ba yeti ba bihɛ ti tiŋa la miim mɛ. Se'ere en sɔi la, Daana suŋera en ze'ele saazuo sige na bilege yɔɔ kugere la lebe pooren, zi'a de zuo.

Amatie 3:16

Ti en sɔ Yezu ko'om ba'ahɛ la, ti a ze'ele ko'om la puan kɔ'ɔm dɔɔra na la, a yeti a bihɛ ti saazuo en yu'ɛ bo' en, ti a nyɛ ti Yinɛ Sia sigera a zuo na ana wuu dayene la, wa'am na yagelɛ a zuo.

Amatie 4:11

Bilam ti Sagena la bahɛ en, ti Yinɛ suŋereba en bala wa'am na kpemehe en.

Amarkɩ 1:13

A boi kpaahenɛ la puan dabeha pinaahi, ti Sagena la makɛ en bihɛ. Ti a bɔna la muuen duhi, ti Yinɛ suŋereba gura en.

Amarkɩ 16:19

Bala Daana Yezu n tɔgɛ bo' ba ba'ahɛ la, a zom la saazuo, ta zi'ire Yinɛ zuɔ nu'o.

Amarkɩ 16:5

Ban kɛ̃' yɔɔ la puan la, ba nyɛ la budibele paalega n yɛ fuwoko pɛɛlega, zi'an zuɔ nu'o bɔba, ti dabeem kɛ̃' paaɛ paaɛ.

Aluki 2:32

Se'em en de niihum wan niiɛ ti sɛba n dagi Yuuduma nyɛta la. Se'em en wan tari pɛka wa'am fum nɛreba Iziraleduma zuo na la.”

Aluki 20:44

Deviti yi' en la a Daana, bala ŋwani ti ba wan yi'ira en Deviti dayua?”

Aluki 22:43

Ti Suŋera ze'ele saazuo, wa'am na zi'an na kpemehe en.

Aluki 24:4

Ti ba yari zɛ'a yɛli la yele dina wa, ba yeti ba bihɛ ti buraahi siyi en bala zɛ'a ba zi'an, ti si futo nyagera.

Aluki 24:51

En boi bini puta sum baha ba zuo la, ba nyɛ ti a zɛkera la saazuo, nyaa zɔna zuin ha ta kɛ̃ ha.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 13:3

Ti Yezu n pun mina ti a Sɔ dikɛ sɛla woo iŋɛ la eŋa Yezu nu'uhen, gee me mina ti eŋa ze'ele la Yinɛ zi'an na, gee me lɛbera la Yinɛ zi'an la,

Azã 15:26

“Gee Tɛ'ɛla la han wa'am na, se'em ti mam wan tum en ti a ze'ele Sɔ la zi'an na la, se'em n de Fa'a Sia la en de yelemɛŋerɛ, ze'ele mam Sɔ la zi'an na la, a wan tɔgera la mam yele bɔ'ɔra ya.

Azã 16:28

Mam ze'ele la Sɔ la zi'an sige timpaberɛ wa zuo na, gee le yeti n bahɛ timpaberɛ wa zuo, gee lebe n Sɔ la zi'an.”

Azã 17:5

Bala nananawa n Sɔ, bahɛ ti n nyɛ pɛka fum nɛŋan. Pɛka sɛka ti n daa pun tara fum nɛŋan gee ti timpaberɛ wa baŋɛ naam la.

Azã 20:12

nyɛ ti suŋereba bayi' yɛ fupɛɛla, zi'an zi'an ti Yezu iŋa ga' ni la, ayima zi'an a zuin bɔba, ti ayima zi'an a nama bɔba

Azã 6:62

Gee ya nyaa han ta nyɛ ti asaala dayua wa lebe zɔna zi'an ti a daa pun bɔna la ya wan yeti bu?

Tõoma 1:19

Yerusalɛm nɛreba za'a mi' yele wa mɛ, bala zuo ti ba yi'ira a zi'an la ti a da la ba yetɔgum puan yeti, Hakɛledama, ti de vuurɛ dela la Ziim sɔlega.)

Tõoma 10:34

Ti Pita pɔhɛ ya'ɛ a nuurɛ tɔgera bɔ'ɔra ba yeti, “Mam nananawa yelemɛŋerɛ bɔkɛ ya ti Yinɛ ka gaheri nɛreba,

Tõoma 14:27

Ban wa'am na na paaɛ la, ba yi' lageŋɔ la za'a mɛ lagehɛ na, nyaa yele sɛla woo ti Yinɛ dikɛ ba tum la ba, la Yinɛ n yu'ɛ sakerɛ kuleŋa se'em bo' sɛba n dagi Yuda buuri la se'em.

Tõoma 20:28

Biheri ya, ya mɛhi suŋa, gee me biha piihi la ti Fa'a Sia la dikɛ ya ti ya biha la. Ya biha Yinɛ lageŋɔ la ti a dikɛ a mɛŋa Dayua ziim to'e ku la.

Aromduma 10:12

Yima yima ka boi Yuda la Girikiduma tiŋasuka. Daana ayima en de ba za'a Daana, gee me bɔ'ɔra ti la sɛkera se'em woo en yi' en.

Aromduma 10:18

Gee mam sokere dela, Ba ka wum? Yelemɛŋerɛ, ba wum ya. Se'ere en sɔi la, la gulehɛ gɔŋɔ la puan yeti, “Ba kua yehe paaɛ timpaberɛ wa zi'an woo mɛ, ti ba yelehum la paaɛ timpaberɛ wa luga za'a.”

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

Aromduma 16:26

gee nananawa, de nyaa niiɛ na, doohe nɔtɔgeheba en gulehɛ se'em la, de niiɛ bo' sɛba woo en dagi Yuda buuri la, Yinɛ en boi wuuha wa n bo' a nuurɛ se'em, ti a bahɛ ti nɛra woo nam gee sakɛ la.

Aromduma 3:4

Sore ka boi! La asaala woo n pun dɛna pumparema la, Yinɛ dela yelemɛŋerɛ daana wuu lan gulehɛ se'em la, “Bala ti fum wan tara buurɔ fum tugum puan, gee di mi'a gakerɛ woo puan.”

Aromduma 8:3

Se'ere en sɔi la, Yinɛ tum sɛla en daa kpe'em bo' ze'elego la ti ku ka nyaŋɛ tum, doohe la inganɛ wa en tari tɔregɔ la, a iŋɛ dina doohe la en tum a mɛŋa dayua ti ka tara inganɛ en ani wuu asaala be'em inganɛ wa, ti ka zabɛ be'em, sagum be'em paŋa, la inganɛ wa,

Aromduma 9:5

Bama en de Hiburuduma kansanhi yaahi, gee ti inganɛ puan, Kiresta la yehe ba puan na, se'em en gani za'a la. Sum dɛna Yinɛ dinɛ wuuha wuuha. Taari.

1 Korẽntɩ 15:47

Yia buraa la dela la timpaberɛ wa zuo dinɛ, a dela tintɔnɔ nɛra. Yi'i buraa la dela saazuo nɛra.

1 Korẽntɩ 2:7

Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

2 Korẽntɩ 1:19

Se'ere en sɔi la, Yinɛ Dayua la, Yezu Kiresta, se'em yelehum ti tumam muulɛ bo' ya la, Silevanuse la Timoti la mam daa ka tari “Ɛ̃ɛ la Aayi.” Gee a puan, saŋa woo la kɔ'ɔm dɛna la “Ɛ̃ɛ.”

Galatɩ 2:8

(se'ere en sɔi la, eŋa se'em daana en tum Pita puan, ti a dɛna tuntuna bo' sɛba en ŋma la, bala mɛa ti a tum doohe mam puan, tum mam sɛba en ka pa'ahɛ Yuuduma puan la zi'an).

Galatɩ 4:4

Gee Yinɛ saŋa la en daa ta pirɛ paaɛ la, Yinɛ tum la a Dayua, ti pɔka dɔgɛ ka, dɔgɛ ka doohe ze'elego la,

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 6:19

Pu'uheri ya bo'ori ya mam mɛ, ti n han ni yeti n tɔgɛ, Yinɛ bo' mam yelehum, ti n tɔgɛ la sukpe'ene ti nɛreba baŋɛ sugelum yele se'ere n boi faarɛ yelehum wa puan,

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 1:6

n wa'am ya zi'an na la. Woo bumɔ en wani wala gee zɔ'ɔra se'em tiŋa wa zuo za'a se'em la, bala mɛa ti bu wuna wala ya puan, pɔhɛ daan se'ere daarɛ ti ya wum, gee bɔkɛ Yinɛ zu'uhegɔ la.

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

2 Tesaloniki 1:10

De daarɛ la, a han ta wa'am na ti a Niiɛ a suŋa la, a suŋa la wan niiɛ a nɛresunduma la puan, ti sɛba woo en nam zɛ'a yɛli a suŋa la zuo, se'ere en sɔi la, ya nam tumam aze'nyɛ muulegɔ la mɛ.

2 Tesaloniki 2:7

Se'ere en sɔi la, se'em daana en ka kihi yele la nyaleŋɔ la pun tuna mɛ, gee la wan niiɛ la se'em ma'a ti se'em en gu'uri a paŋa nananawa la ta bahɛ.

1 Timoti 3:9

ba gurɛ sakerɛ yelehum la en gaŋɛ asaala bɔkerɛ la kankaŋi, la putɛ'sunɛ.

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 12:2

Tu biha suŋa suŋa Yezu en de sakerɛ nɛŋa daana, se'em daana n de sakerɛ la ba'ahegɔ daana la. Se'em ti nyɛɛma sɛ'a en dikɛ biŋe en la zuo, a daa ŋmibe mɛ ta paaɛ pumpuuredɔɔ la zuo, ka fabela dɔɔ zuo kum la nyanɛ la, nyaa wa'am na zi'a a zi'a zi'an Yinɛ na'am kuka la zuo, zuɔ nu'o.

Hiburuduma 7:7

Nɔkpe'ene ka boi bini, tarema en to'ore sum kpɛ'ɛma zi'an.

Hiburuduma 8:1

Yeledaa sɛka en boi tumam en yeti sɛla wa puan dela dina wa. Tu tari la malema kiima en boi a tɔka, se'em en zi' Gani za'a Daana la na'am kuka la zuɔ nu'o saazuo ha,

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 1:21

Doohe eŋa puan ti ya wa'am na nam Yinɛ, se'em en ihege en a kum puan la, gee bo' en na'ahegɔ, ti ya sakerɛ, la ya beere puti'irɛ la bɔna Yinɛ zi'an.

1 Pita 3:18

Kiresta me wa namehɛ mɛ buyina, tumam za'a be'em zuo. Tuntɔɔ daana en namehɛ bo' sɛba en dagi tuuntɔɔ duma, ti a tari ya na bo' Yinɛ. Ba ku en mɛ ingɔŋɔ wa puan, gee ba vo'e en mɛ Sia puan,

1 Pita 3:22

Kiresta, en bala zom saazuo ha, ta bɔna Yinɛ zuɔ nu'o bɔba, la suŋereba, kpɛ'ɛnduma, la pahi se'ehi ti ba dikɛ biŋe a nama timpaberɛ.

1 Zã 1:2

Vom buna wa, Yinɛ daa niiɛ bu mɛ na, ti tumam nyɛ bɔ, dɛna bu aze'nyɛduma, muula bu bɔ'ɔra ya, Yinɛ vom sumɔ en kan ba'ahɛ wa en daa boi la Yinɛ en de Sɔ la nyaa niiɛ bɔ bo' tu.

1 Zã 3:5

Ya mi' ti Kiresta niiɛ na ti a dikɛ la tuure, ti eŋa puan ti tuure ka bɔna.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

Lilegere 17:5

Ti yu'urɛ en de sugelum yu'urɛ, gulehɛ lama pɔka la gbi'iri yeti, “Babilɔn kãtɛ la en de yiyɛkɛka la, Yaalegɔ za'a ma la ti timpaberɛ wa za'a galeŋɔ lɔkɔ.”

Lilegere 17:7

Gee suŋera la yele mam yeti,“Beni ti la ba' iŋɛ hɔ pakerɛ bala?” N wan yele fum pɔka wa sugelum yele, la duŋa la en tara zuto tuyopɔi, la iila pia ti ka yaga ka zuo la.

Lilegere 7:9

Ŋwana en tole la, mam nyɛ la nɛrekuuŋɔ ti nɛra kan ta'am kãalɛ ba, en ze'ele tihi woo, buuri woo, nɛreba woo, la tugum woo puan na, zɛ'a na'am kuka kãtɛ la, la Pebila la nɛŋan, yɛ salema lɔge pɛɛla, zãla kunkɔɔreŋɔ vɔtɔ ba nu'uhen.