1 Timoti 1:5 - ZE'ELEGO PAALEGA

⁵ Gee pa'alegɔ kuna wa tuunɛ dela, la bahɛ ti ba tara nɔŋerɛ se'ere en ze'ele susunɛ puan na, putɛ'sunɛ, la yelemɛŋerɛ sakerɛ.

Farefare Ninkaré

⁵ Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

1 Timoti 1:5 Iomraidhean Croise

Amatie 12:35

Nɛresuma yeheri la yelesuma sɛ'a en boi a lɔgesunɔ la puan, ti nɛrebɛ'a me, yeheri yeletoseto en boi a lɔge tooro la puan la.

Amatie 5:8

“Sum boi mɛ la sɛba suya en ka tari dɛgerɔ. Ba wan nyɛ Yinɛ.

Tõoma 15:9

En duuhe ba suya la bahɛ doohe ban nam la puan la, pa'alɛ yeti, yima yima ka boi tumam la bamam tiŋasuka.

Tõoma 23:1

Pɔɔl n ze' biha kiinduma zii la, a ta yeti, “N suurɔ, wa'am na paaɛ zina, mam vɔi n vom mɛ tuuntɔɔ Yinɛ nɛŋan.”

Tõoma 24:16

Ŋwana zuo la, mam kpeŋere la n mɛŋa saŋawoo ti n tara putɛ'sunɛ bo' Yinɛ, la nɛreba za'a.

Aromduma 10:4

Se'ere en sɔi la, Kiresta en de ze'elego la ba'ahegɔ, ti tuuntɔɔ vom la nyaa bɔna bo' se'em woo en nam en.

Aromduma 12:9

Tari ya yelemɛŋerɛ nɔŋerɛ. Yaaɛ ya sɛla en de be'em, gee gurɛ sɛla en de sum kankaŋi.

Aromduma 14:15

Fum suuɔ han nyɛ pɔgeleŋɔ doohe fum en diti sɛla puan, fum ka le kina la nɔŋerɛ. Da bahɛ ti fum diti sɛla sagum se'em ti Kiresta ki bo' en la.

Aromduma 9:1

Mam tɔgeri la yelemɛŋerɛ Kiresta puan, Mam ka pareni. Fa'a Sia la yele mam puti'irɛ puan ti la dela bala.

1 Korẽntɩ 13:1

Mam han pun tana tɔgera saaleba tugum buuri buuri, bii tana tɔgera Yinɛ suŋereba yetɔgum, gee ka tara nɔŋerɛ, n ani wuu luŋa en yeen vɔɔla, bii kpankpaŋi en ŋmɛ'ɛri la.

2 Korẽntɩ 1:12

Yelemɛŋerɛ, tumam ŋmɛ'ɛri tu nyu'urɔ mɛ, gee me tara yelemɛŋerɛ tu puti'ira puan ti Tumam tum timpaberɛ wa zuo mɛ la yelemɛŋerɛ, la Yinɛ zoolum, gee dagena tiŋa wa zuo yɛm, gee Yinɛ zu'uhegɔ la, ti ŋwana wa dɛna la yamam wa zuo.

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

1 Timoti 1:18

Pa'alegɔ kuna ti n dikɛ ita fum nu'uhen n bia Timoti, doohe la puresɛka en pun purɛ bahɛ fum zuo la. Ti fum han dɔla a, fum wan zabɛ zabesunɛ,

1 Timoti 1:19

fum tara sakerɛ la putɛ'sunɛ. Ban zagehɛ ba suya en pa'alɛ ba sɛla la, basɛba sakerɛ wɔ̃rɛ mɛ wuu yoore en lu wɔ̃rɛ la.

1 Timoti 3:9

ba gurɛ sakerɛ yelehum la en gaŋɛ asaala bɔkerɛ la kankaŋi, la putɛ'sunɛ.

2 Timoti 1:3

Mam suure pee mɛ la Yinɛ, se'em ti mam pu'uha la putɛ'sunɛ, wuu mam sɔyaabe duma en yuum iti se'em la, wuu mam en tɛri fum yele saŋa woo se'em n yu'uŋɔ la wuntɛɛŋa pu'uhegɔ puan.

2 Timoti 1:5

La tiiheri mam mɛ fum yelemɛŋerɛ sakerɛ la yele, sakerɛ se'ere en yuum boi fum mayaaba Lois puan yia, tagelɛ fum ma Yunise, ti nananawa, mam mina ti de boi fum me puan.

2 Timoti 2:22

Zɔ yehe bumbile paalumen kɔrehi puan, gee dɔla tuuntɔɔ vom la ninmu'urɛ, sakerɛ, nɔŋerɛ la suma'ahum la sɛba en pu'uhi Yinɛ la susunɛ la.

Taitusi 1:15

Sɛba suya en de tuuntɔɔ la, sɛla woo dela tuuntɔɔ bɔ'ɔra ba, sɛba en ŋmɛleni gee ka nam Yezu la, sɛla ka boi dɛna tuuntɔɔ bo' ba. Ba mɛhi puti'ira la ba zuto ki mɛ.

Hiburuduma 10:22

bahɛ ya ti tu vurege du' la yelemɛŋerɛ suure, tari puti'irɛ n pirɛ la sakerɛ, ti tu suya miihi ti ba duuhe a be'em puti'irɛ, ti tu ihe pee la tuulum ko'om.

Hiburuduma 13:18

Pu'uhi ya bɔ'ɔra tɔ, gee tumam mi' ti tumam tari la putɛ'sunɛ, ti tu suure bɔta ti tu tuna la yelemɛŋerɛ sɛla woo puan.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Yemesi 4:8

Vurege ya du' Yinɛ, gee eŋa me wan vurege du' ya. Pee ya nu'uhi, be'em duma wa, gee pee ya suya, puti'ira ayi' ayi' duma wa.

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.

1 Pita 3:16

Tari ya susunɛ, ti ba han pun yi'ira ya yu'yooro, sɛba en keheri ya itesuŋɔ Kiresta puan la, vi wan di ba.

1 Pita 3:21

Ko'om sua wa ti yele dina wa yuum ze'ele bo' la, en faaɛ ya bahɛ nananawa. Dagi la bu yehe la dɛgerɔ ya iŋa puan, gee bu dela Ko'om sua sɛka ti tu suhera Yinɛ ti a bo' tu putɛ'sunɛ doohe Yezu Kiresta vo'ore la puan.

1 Pita 4:8

Sɛla en gani bala, tari ya nɔŋerɛ saŋa woo bɔ'ɔra taaba, se'ere en sɔi la, nɔŋerɛ pi'ire la be'em zo'e zo'e.

2 Pita 1:7

ti vom sumɔ la puan, taaba giile pa'ahɛ bini, ti taaba giile la puan, taaba nɔŋerɛ bɔna bini.

1 Zã 3:10

Yinɛ kɔma, la Sagena la kɔma en niiɛ ba mɛhi se'em en ŋwana. Se'em woo en ka tuni sɛla en de tuuntɔɔ ka ze'ele Yinɛ zi'an na, bii fum se'em woo en ka nɔŋɛ fum suurɔ.

1 Zã 3:23

A nɔze'elego la n ŋwana, ti tu nam a Dayua Yezu Kiresta yu'urɛ la, gee nɔŋɛ taaba, wuu eŋa en bo' tu nuurɛ se'em la.

1 Zã 3:3

Se'em woo en tari putɛ'dina Yezu Kiresta puan, peere la a mɛŋa wuu eŋa Kiresta en de fa'a se'em la.