1 Timoti 1:10 - ZE'ELEGO PAALEGA

¹⁰ yalum duma, buraahi en gã' taaba, sɛba en koohe nɛreba, pumparenduma, pumparum gakereba, la sɛla woo en ka dole yelemɛŋerɛ pa'alegɔ la,

Farefare Ninkaré

¹⁰ la sɛba n ɩtɩ yalsɩ, la bʋra-sɛba n gã la taaba, la pɔg-sɛba n gã la taaba, la sɛba n yõgrɩ nẽrba kɔɔsra, la põmpɔrndõma, la sɛba n pɔtɩ dee ka ɩta ban yele se'em na, la nẽr-sɛba n ɩtɩ sɛla woo n sɩ'ɩsrɩ sɩra kõ-yẽlga la ĩyã.

1 Timoti 1:10 Iomraidhean Croise

Azã 8:44

Ya kɔ'ɔm ze'ele la ya sɔ Sagena la zi'an na, gee me looe ti ya tum ya sɔ tuunfi'iha sumboolum la. A dela nɛre kuura pi'ileŋo puan na, ka bɔta yelemɛŋerɛ, se'ere n sɔi la, yelemɛŋerɛ ka boi a puan. A han parum, a tɔgeri dɔla la a naanɛ n bala, se'ere n sɔi la, a dela pumparema, gee dɛna pumpɔreŋɔ woo sɔ.

Aromduma 1:26

Ŋwana zuo, ti Yinɛ dikɛ ba bo' zufagehum kunkoma'ahum, ti ba pɔgehi tee pɔka la buraa en naari taaba se'em la, bo' sadɔɔ seko en ka nari.

1 Timoti 4:6

Fum han dikɛ pa'ali kuna biŋe suurɔ la nɛŋan, fum wan dɛna Kiresta Yezu tuntuna suŋa, se'em n tigehɛ a mɛŋa la yelehum sebo en bo'ori sakerɛ la, la pa'ali suŋɔ seko ti fum dɔla wa la.

1 Timoti 6:3

Se'em han pa'ala sɛla en boi la tɔka gee ka sakɛ bo' Daana Yezu Kiresta yelehum, la pa'alegɔ seko en dole Yinɛ zoolum yɛla la,

2 Timoti 1:13

Gurɛ yelemɛŋerɛ pa'alegɔ la suŋa, sebo ti fum wum mam zi'an la, la sakerɛ la nɔŋerɛ se'ere en boi Kiresta Yezu puan la.

2 Timoti 4:3

Gee saŋa la kini na, ti nɛreba kan bɔta yelemɛŋerɛ pa'alegɔ, gee ban tari tuba en zakeni la, ba wan kã'ahɛ pa'aleba bo' ba mɛhi, wuu ba kɔrehi la en boti se'em la.

Taitusi 1:13

Ban tɔgɛ sɛla la dela asira. Dina zuo la, tahɛ ba la ninmu'urɛ, ti ba lebe bɔna sakerɛ la puan suŋa suŋa.

Taitusi 1:9

A dela a gurɛ yelehum la en dole pa'alegɔ la, ti la bahɛ ti a tana pa'ala pa'ali seko en de ma'a la, gee tana valegera sɛba en ka pa'ali dɔla la.

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

Azudi 1:7

Bala mɛa ti Sodom la Gomora, la timbibehi la za'a en kaaɛ ba la me en yuum ani wuu bamam la, kɛ̃ yaluntuuma puan, bɔta buraa en gã' la taaba ti pɔgehi me gã'a la taaba la, dela sɛla en pa'alɛ nɛreba en nyɛ namehegɔ se'em bugum en diti ka kiŋera la puan.

Lilegere 18:13

sinamɔn tiihi kaam, puuro seto en tari nyɛlum, digelum, la Mɛɛ, nyuuŋo suŋɔ puuro, daam, olive kaam, kisuma zom la mui, nii, piihi, yiiri la yiiri toto, la nɛresaaleba vom ti ba kɔɔha ba da'aba.

Lilegere 21:27

Gee sɛla en de galeŋɔ lɔkɔ kan kɛ̃ ka puan, bii se'em en iti be'em bii pumpɔreŋɔ tuuma. Gee sɛba ma'a yu'ura en gulehɛ bɔna Pebila la Vom gɔŋɔ la puan.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.