Yowel 2:2 - Godope Awananapa Gilala

² wa isa apela ete gogote pa:lelola wate itilamalelona a:na:pi elamalelo, a:ma kadepala sidila iti waelabega ete wa iti kanabi elamalelo. Kadepate pulelola kadepa gweyate podoma manamalelona gi a:na:pi, waelabega kakamalina giwa:lanate pa:dili, a:na:pinapa gi lope tepala pa:pa saodiyana gwama wapikina gogole pa:pa saolamalelo.

Yowel 2:2 Iomraidhean Croise

Yowel 1:6

Eta a:i baigana giwa:lana na:pe wa a egiwina, obai kakamalibeyagai, a:pite luma ananasanana bega, ya:mai lumumunu poso enoba layono poso a:na:pi, a:pite susa:gi layonope kalita a:na:pi.

Yowel 2:25

Miwalite naniyana gogona lopala gima na: gwama wisa elamalowa, kabigida:na miwalita: a:pite kokowabina sa:sa:ta:, eta:mi tagada:ta: gwama eta:mi sa:sa: waelabeyagaita:, enobai giwa:lana dala ne da: gobama auda:miyamana.

Yowel 2:31

Kadepa itikanabi elamalelo samosote dede bega elamalelo LODope emosa:mida:napa kadepa pa: saolelona tepala.

Yowel 2:5

Giwa:la gawa a:na:pi siyada pa:dili obai podo sidila sikasikale pa:dili, kakapa oloda:lona ila babalela siya a:na:pi, kakamalina giwa:lana a:na:pi, baiga egelama litatili.

Yowel 3:4

Amapula na: powa gi da:dima a a:na:miyamanaya, o Tayata: Sidonota: gwama Pilisitiyana wa kabigibegata:. Da: ne a:na:miyamana gima wisa edelewata. Da:na: dima gwama mai wisa gi a:na:minenewamena tepala, na: da:pe ganabima sela pa:labega elamalowa. A:pite da:dima wisa elamalowa.

A:imo 4:13

Saka a:na:da:minanapa, ibowa laoda: a:na:miyana, obape iwalela gi lumagidima ekalamamiyana, obate kadepa pula gi gwama iti kanabima mite elelo, a:ibaigana sidina sasaba obate etoda:mitelelo, LOD God Kamalinapa enoba obape gagi.

Sepen 1:7

Sidinapa LODope sososko palala nugunale edela, gi ase LODope kadepa a auwapula elelo. LOD a sa:lewena obape luma dapoda:na nagala lopala a:na:pi dapola gima, obate iwida:miyana luma a wida:mida:na eda:wana.

Sekal 14:6

Ya:ma kadepala wa pa:pa lulilamalelo, itilanapa itite wa itiminamalelo.