Yowel 2:12 - Godope Awananapa Gilala

¹² A:te amapula LOD a:negelalelo, na: dima gwama pa:da:la da:pe gwana goba gida, baya awana gita: adimada: gita: sabe gita:da.

Yowel 2:12 Iomraidhean Croise

Esta 4:16

A: Susa kabiginapa baigala edilina Yu luma waelabega awada:mite obai danamalelo obaite na:gima baya awana eda:te timo edelamadili. Obaite salikiliwa isata: kadepata:la a:ma gi a:na:minamadili. A:pite na:ta: na:dowali gisaolana aminata: sa: ya:ma gi menagi a:na:minamadela:. A:ma gi guwila na: kanaba dalagidima welamalowa. Na: babala ka:minamalowamena gile kaolamalowamena a:ma gi pa: gi, ameta na: kaolamalowaga.

Osey 12:6

Ameta da: gwama da:pe God dima eseda:te na:da:la, awe iwalela gita: gibalama gi bamina gita:le kakalele litatala, a:pite tepa waelabegale da:pe Godope gilala atolominamadelewa.

Osey 12:7

Lopala ewadolona lumagite sewatanapa awapaminale luma gasuda:mineno, obate ilile lopala alela gi begale iwaleda:lo.

Osey 14:1

O Islael, gwama isolada:te da:pe LOD dima pa:da:la gi ase da:dowali sosawe gile da: a:ima koleyamana.

Osey 6:1

Pa:dala, saga gwama LODdima esaeda:madili. Obate sa: a galabe sa:miyana ameta oba sa:pe galabe gwama sa:leda:munamalelo, obate sa: meleda sa:miyana, ameta oba sa:pe apapaya gwama salolamalelo.

Yowel 1:13

Guwali dala, da: esesawalida:na kakana lopala kakamite sabedela, awana nagala lopala apiletedilina ba:kele genama okona dala da: gwanasaweda: edela. Pa:da:la, ama isala esesawalida:na kakana lopala kakamite tenedela, na:dowali Godope sosoko palala gisaola edelewamena dala, ase kon nagala lopalata: adami wi nagala lopalata: da:dowali Godope genamama alete pa:da: gi a ekediyana.

Sekal 7:3

Obate LOD Kamalinapape genama gobala oko a:miniyana guwali dalata: gwama wala gilala lada:na dalata: danate tiliyana, na: gogo waelabega gobala maigula samosola adimada:le baya awana elotolamalowata ne a lope a:munoyamana gi a:na:pi.

Sekal 7:5

Oba a:negelayana, a:ibaigana luma waelabegata: guwali dalata: danate ti, da: maigula samosota: 7 samosota: a:pite a pa:nidiyana 70 gogo gobala baya awana eda:te edeleyamana tepala da: pa:pa na:gima ya:ma gi a:na:mineyamana.

Malak 1:9

LOD Kamalinapate lalelo, guwali dala, da: Godope nagala gima oba timo mite tila. A:pite da:pe maile oba dima nagala eda:te tila. Obate da:pe nagala lopala awapage lalamalelota.