Yowel 2:11 - Godope Awananapa Gilala

¹¹ LODote kadepa siya a:na:pi gigilalo, obape giwa:lanapimunu lopa palala, obape giwa:lana gagasida: domona pa: awapa, a:pite obape kakami gilala enamada:te gima kamidilina giwa:lana kakamalibeyagai. LODope kadepa enoba kamlibega, a:pite emosa:mida:bega, a:ma gobala powate kanika:wamaleloya.

Yowel 2:11 Iomraidhean Croise

Yowel 1:15

Ya:ma kadepa malemabega. Gi ase LODope kadepa a auwapula elelo, enoba kadepala galabete Kamalinapadila pa:lamalelo.

Yowel 1:6

Eta a:i baigana giwa:lana na:pe wa a egiwina, obai kakamalibeyagai, a:pite luma ananasanana bega, ya:mai lumumunu poso enoba layono poso a:na:pi, a:pite susa:gi layonope kalita a:na:pi.

Yowel 2:1

Tutuli iwidela, Sayon baiga gobala, na:dowali awana sakala siya pakamina. Wa gobala edelina luma da: sasiwadela, gi ase LODope kadepa a pa:lelo, a:ma kadepa a auwapula elelo,

Yowel 2:2

wa isa apela ete gogote pa:lelola wate itilamalelona a:na:pi elamalelo, a:ma kadepala sidila iti waelabega ete wa iti kanabi elamalelo. Kadepate pulelola kadepa gweyate podoma manamalelona gi a:na:pi, waelabega kakamalina giwa:lanate pa:dili, a:na:pinapa gi lope tepala pa:pa saodiyana gwama wapikina gogole pa:pa saolamalelo.

Yowel 2:25

Miwalite naniyana gogona lopala gima na: gwama wisa elamalowa, kabigida:na miwalita: a:pite kokowabina sa:sa:ta:, eta:mi tagada:ta: gwama eta:mi sa:sa: waelabeyagaita:, enobai giwa:lana dala ne da: gobama auda:miyamana.

Yowel 2:31

Kadepa itikanabi elamalelo samosote dede bega elamalelo LODope emosa:mida:napa kadepa pa: saolelona tepala.

Yowel 3:14

Luma waelabeyagai domona pa: awapa gi mila gobala edeli. LODope kadepate a auwapula elelo. Gima kamina golo gobala.

Yowel 3:16

LODote Sayon sakala ulupuda:malelo a:pite Yelusalem baigala gigulamalelo, a:ibaigata: sawisakata: sasiwadili. Ameta LODote obape lumumunu kalekalenapa a:wa saba elelo, enoba Islael lumadima kalekalenapa giligili ogosa a:na:pi elamalelo.

A:imo 1:2

Obate layana, Sayon baigala LODote layon a:na:pi ulupodoloyana. Yelusalem baigala oba kadepape gigila a:na:pi elelo, sip tida:napimunu tiladana wa a sesedili, Ka:mol podo sidila wate sa:ila bapi elelo.

A:imo 5:18

Awe iyo da: LODope kadepate saolamalale enamadelewamena luma. Da: powa gi ase LODope kadepama enamadelewaya. A:ma kadepate iti kanabi elamalelo, pa: lulila.

A:imo 5:20

LOD ope kadepate itilamalelo pa:pa lulilamalelo, iti kanabi bapi elamalelo eta lulila kowabi pa:pa dololamalelo.

Auba 1:15

LODope kadepate a auwapula elelo, baigabaiga waelabega obaimunu gi babamuda:monamalale. Idom a: powa gi a: a a:na:miyanaya, oba enoba gi a: dima a:na:minamalelo. A: e na:sa:da:miyana gi a: gwama alolamalelo.

Nayu 1:6

Obate ga:olamalelona powate lelolamaleloya. Obate kabigibegale ga:olamalelona tepala powate elamaleloya. Obape ga:o gi enoba ila a:na:pi, obate a:na:minamalelo, obape lopa palala ba:kele babasa:mida:madili.

Malak 3:2

Obate pa:lamalelona kadepala powate pa:pa ilapada:maleloya. Powate lelolamaleloya obate pa:lamalelona kadepala. Obate babalelalona ila a:na:pi o lopala wida:mina sopo a:na:pi.