Yowel 1:2 - Godope Awananapa Gilala

² Wawa dala, da: ma:ma gilala enamada:la, wa gobala edelewamena luma da: gi enamada:la. De lope edeleyamana tepala ma:na:pinapa gi saoyanata o da:dowali iniwali kakabeyate edeliyana tepala ma:na:pinapa gi saoyanata.

Yowel 1:2 Iomraidhean Croise

Osey 4:1

LODope gilala enamada:la da: Islaelana luma gi ase LOD dile kamalinapa da: danada: gilala a:meta, da: ma:ma wala edelewamena lumadima. Ma:ma wala gibalama gi bini, gwama awe gi bini, gwama God iwalelanapa lumagi bini.

Osey 5:1

Da: guwali dala, ma:ma gilala enamada:la Da: Islaelana luma sa:lele enamada:la Enamada:la, da: kanabape genamana, Ma:ma gi bamina gi da: gima pa:lelo. Da: Misipa wala ya:wi a:na:pi edeleyamana, da:pe tiyate Tabo wa egetata weleyana.

Yowel 1:14

Awanale baya awana gi luma danala, luma Godope awana sabama gaogoda:mina. Wawana dalata:, wa gobala edelina luma waelabega iya:ta: danala. LOD da:dowali Godope genamama awada:mina, a:pite LOD dima adimada: pakamina.

Yowel 2:2

wa isa apela ete gogote pa:lelola wate itilamalelona a:na:pi elamalelo, a:ma kadepala sidila iti waelabega ete wa iti kanabi elamalelo. Kadepate pulelola kadepa gweyate podoma manamalelona gi a:na:pi, waelabega kakamalina giwa:lanate pa:dili, a:na:pinapa gi lope tepala pa:pa saodiyana gwama wapikina gogole pa:pa saolamalelo.

A:imo 3:1

O Isalalel, ma:ma gilala enamada:la, LODote a:dowali sosawe gima a gwalemonoyana, enoba ne Isipt wale wama gwalite saoyamana noneya.

A:imo 4:1

Ma:ma gilala enamada:la, da: Samaliya wala edelewamena Basan wana ka:o, da: lopala binina luma ilapala da:minete a:pite aitapadilina luma a:ima etoda:mite edelewamena ato, a:pite de da:dowali dala dima latedelewa, sa:dima waen alesamate pa:da:mela sa: dalagile nidelamada:le.

A:imo 5:1

Ma:ma gilala enamada:la o Islael luma, ma:ma enoba ne da: gima ladolowamena sabe gilala.

Maik 1:2

Luma da: ma:ma gilala enamada:la, a:i baiga a: enama, gwama a:mala edelina luma da: enamada:la. Enoba Sidinapa LODote da: gima gibabanapa elelo, LOD obape Awana balelamina genamala enoba gi lalelo.

Maik 3:1

Amale na: layamana, da: Ya:ikobope gaganabina gilala enamada:la, da: Islael genama gobala edelewamena. Da: sogolanapa gi bamina gi itawa eda: awapa.

Maik 3:9

Ma:ma gile enamada:la da: Ya:ikobope genamana gaganabina dala, da: Islaelpe genama apeyana dala da: sogolanapa gi bamina gi ilapalana dala a:pite sogoda:na gi waelabega ilapalana dala.