Sekal 8:3 - Godope Awananapa Gilala

³ Ma:ma enoba LODote lalelona gilala. Na: Sayon wama gwama isola:te pa:te Yelusalem baigala elamalowa. Enoba tepala lumate Yelusalem baiga gibalama gi baiga gagi omona:madili, obai LOD Kamalinapape saka awana saka gagi omona:madili.

Sekal 8:3 Iomraidhean Croise

Yowel 3:17

Da: amale itawa eda:madelewa na:, da:dowali LOD God, Sayon sakala elelowa, na:pe awana saka. Yelusalem enoba awana elamalelo, eta:mi wana lumate pa:pa gwama baiga gobale sa:eda:te na:da:tedelamadili.

Yowel 3:21

Na: dede wisa elamalowa, enoba dede na: pa: wisa elanapa, ase na:pe ela saba enoba Sayon.

Maik 4:1

A:yatadana kadepala LOD balelamina genamate lelalona saka a:na:minamadili, waelabega saka gobala obate sidinapa saka elamalelo, eta:mi saka waelabega obate giwida:malelo, A:pite luma waelabegate oba dima gaogominamadili.

Sepen 3:13

Isalalelape gwama pa:da:madilina luma soaswe gi pa:pa a:na:da:minamadili, obaite sewata gilala pa:pa gwalemenamadili, obaimunu magata gobala sewata gi pa:pa dololamalelo. Obaite baya nanete tenedelamadili a:pite eta lumagite obai emo gi pa:pa dapulamalelo.

Sekal 1:16

Enoba gile ma:ma enoba LODote lalelona gilala, na: gwama kabiginapa gela gida Yelusalem baigama welamalowa a:pite a:ma wala lumate na:pe genama gwama a:na:minamadili. A:pite awapamina taote Yelusalem baiga a:yatama welamalelo, LOD Kamalinapate enoba gi lalelo.

Sekal 12:6

Ya:ma kadepala na: Yuda wana kabigida:na dala ila tilimina gobama toda:napa olololona sosopane a:na:pi minamalowa, gwama teya papamina gobanapa ila awa a:na:pi. A:na:pile obaite ya:deta: ya:deta:la edelina luma dapolale dapolamadili, ameta Yelusalem obape sabale sa:lele elamalelo.

Sekal 14:10

Wa kabigibegala, Geba baigale wete Yelusalemape siyale palale dololona baiga Limon baigama saolamalelona, opa:ya elamalelo, A:la:b wa a:na:pi. Ameta Yelusalem sidima patate obape sabala dololamalelo, Beniyamin ogosale asemite lopanapa ogosale wete sokotanapa ogosama wete, Ananel sidinapa genamama wete kanaba dalagipe adami etoda:mina gegenamama welamalelo.

Sekal 8:16

Ma:mai enobai de a:na:da:minamadelewamena gi, da: ameta gibalama gilala etadima lata edela, a:pite gi babamina sabala da: gibapi gita: gwama sogola gita:le gi babamina.

Sekal 8:19

LOD Kamalinapate a:negelalelo, de samoso 4 ta:, 5 ta:, 7 ta:, gwama 10 ta:le baya awana eda:te edelewamena, Yuda ameta a:mai tetepala kabigibegale sa:keladele poko a:na:da:munamalelo. Enobala da: gibapi gita: gela gita: alela.