Sekal 8:16 - Godope Awananapa Gilala

¹⁶ Ma:mai enobai de a:na:da:minamadelewamena gi, da: ameta gibalama gilala etadima lata edela, a:pite gi babamina sabala da: gibapi gita: gwama sogola gita:le gi babamina.

Sekal 8:16 Iomraidhean Croise

Sekal 7:9

Oba a:negelayana, enoba LOD Kamalinapate lalelona gilala. Gi sogolale babamina, awe nagala gita: ameta amowata gita: kekeda:mina.

Sekal 8:19

LOD Kamalinapate a:negelalelo, de samoso 4 ta:, 5 ta:, 7 ta:, gwama 10 ta:le baya awana eda:te edelewamena, Yuda ameta a:mai tetepala kabigibegale sa:keladele poko a:na:da:munamalelo. Enobala da: gibapi gita: gela gita: alela.

Maik 6:12

Obape lopala waelana dala enobai sosawena edeli, obape luma enobai sewatana a:pite obaimunu ma:la:pilate sewatale gilala ladeletedili.

Maik 6:8

Dalagi, obate dabalibapinapa gi a: dima a kekemiyana, LOD a: dima powa gi iwiminanoya. Sogolale gi a:na:minadele a:pite gela gi awele iwalolamalelo, a:pite a:pe Gododa waminadele a:ya a: kowabiminamalelo.

A:imo 5:24

Ameta awapa sogolanapa gi bamina gite wasewanapa wi a:na:pi iwolamalelo, a:pite sogola gite pa:pa ekelalona kebane gobanapa saelelona wi a:na:pi.

A:imo 5:15

Sosawe gi ilapala edela, sa:sa:lena gi iwida:mina, gi bamina sabale sogolale gi bamina gi pakamina. Da: a:pidelamadelewamena LOD God Kamalinapate kabiginapa awe iwalela gile Yosepepe eta:mi luma awedolamaleloga.

Sepen 3:13

Isalalelape gwama pa:da:madilina luma soaswe gi pa:pa a:na:da:minamadili, obaite sewata gilala pa:pa gwalemenamadili, obaimunu magata gobala sewata gi pa:pa dololamalelo. Obaite baya nanete tenedelamadili a:pite eta lumagite obai emo gi pa:pa dapulamalelo.

Sekal 8:3

Ma:ma enoba LODote lalelona gilala. Na: Sayon wama gwama isola:te pa:te Yelusalem baigala elamalowa. Enoba tepala lumate Yelusalem baiga gibalama gi baiga gagi omona:madili, obai LOD Kamalinapape saka awana saka gagi omona:madili.