Sekal 8:12 - Godope Awananapa Gilala

¹² De tolamadelewamena gulimiti sa:lele apeda:madili, ga:lip tokobe adami sa:lele alowada:madili, a:ile nana ulama sa:lele egelamadili, a:pite sawisakale mimida:bite pelolamalelo. Na: pa:diwina lumadima ma:mai gi waelabega dapulamalowa obaite alelamada:le.

Sekal 8:12 Iomraidhean Croise

Osey 13:3

Enobala obaite ibasegenapa wao a:na:pi edelamadili, sela binitolona ibasegenapa mimida:bi a:na:pi edelamadili, wit paiwada:mina sabale ibowate kakapa wama paiwada:minona gi a:na:pi edelamadili, wao a:na:pi genama totokaba gobale wama saolelona gi a:na:pi.

Osey 14:5

Na: Islael dima mimida:bi a:na:pi elamalowa, amale obate bodolo kala a:na:pi elamalelo. Lebanon wanapa Seda i a:na:pi obate obape sasa a:i a:gobama tolamalelo.

Yowel 2:19

LOD obai dima wisa gilala lalamalelo. Na: da:dima konata: adami wi kanika:ta: sapeta: auda:minamalowa, de nidelete da:dowali gwanate ida:mada:le. Na: pa:pa gwama lumate da: pisalada:minamada:le wabeganapa wama da: auwada:minamalowa.

Yowel 2:22

Wa gobana wai, da: ege emodela, wa gobana tila a sa:lele apedili. Adami ite adami a alawadaminini, pigi ita: tokobe i adamita: obaimunu ya:biya:bi a alawada:minini.

Sepen 3:13

Isalalelape gwama pa:da:madilina luma soaswe gi pa:pa a:na:da:minamadili, obaite sewata gilala pa:pa gwalemenamadili, obaimunu magata gobala sewata gi pa:pa dololamalelo. Obaite baya nanete tenedelamadili a:pite eta lumagite obai emo gi pa:pa dapulamalelo.

A:ig 1:10

Enobala sawisakala mimida:bite kola:te a:i baumiwila, lopala sa:lele apeda: gi a ekemiwame.

A:ig 2:18

Ama kadepa enoba naba 9 samosope 24 napa kadepa de God balelamina genama sokate a:na:mina gi gumiyamana. Da: ma:ma tepala asemite saodelamadilina gi tidelamadelewa.

A:ig 2:19

Ma:ma tepala egadana lopalate da: gobala pa:pa alawada:te dowatili, ga:lip tokobeta: pigi adami ita: salabisa adami ita: olib adami ita, ma:ma tepala na: da: sa:kelada:minamalowa a:pite da:dila lopala waeda:madili.

Sekal 8:6

Ma:ma enoba LOD Kamalinapate lalelona gilala, gwama pa:da:madilina lumate ya:ma tepala ma:ma gima emosa:mida:madili, ameta na: ma:ma gima pa:pa emosa:minamalowa, LOD Kamalinapate lalelo.

Malak 3:11

Na: egada lopala sosaweda:mininina bono lopala ekeda:minamalowa obaite da:pe egada lopala naena gile. A:pite da:pe galip adami i waelabeyagaite alawada:te litatelamadili, na: LOD Kamalinapate lalelowa.