Sekal 5:3 - Godope Awananapa Gilala

³ Obatena: dima layana, ma:ma enoba iwada:mina gite wa kabigibegama welelo, gi ase ma:ma pepa ya:dela dololona gilala enoba ilina luma waelabega wama auwada:mina gilalate dololo, ya:dela dololona gilala enoba sewatale gilala ladilina luma waelabega wama auda: mina gite dololo.

Sekal 5:3 Iomraidhean Croise

Osey 4:2

Iwamina gi menagite dololo, a:pite sewata gita: gwama luma dapola gita:, ili gita: atodana dala ili gita: daladana ato ili gita:, obaite babala waelabega ka:ka:minini, a:pite dede samina gite gwala:ma: gwala:ma: elelo.

A:imo 3:10

Obai sogola gi a:na:mina gi pa: itawada:, LODote lalelo, obaite obaimunu tadana baiga gobana gegenama gobama obaite ilile aleliyana lopala a:wada:miniyana.

Sekal 5:4

LOD Kamalinapate lalelo, na: ma:ma pepa papamina wama auwamimela obate ilina lumumunu gegenamata: sewatale na:dowali gagile gilala ladilina lumumunu gegenamata: waelabega gobama sa:elamalelo. Ya:ma pepa golomina genama gobala dolate genama ita: ba:keleta: sosaweda:munamalelo.

Sekal 8:17

Da: ege sopodaladima sosawe gi a:na:da:mina nabidi uwadelela, da: ege sewatale gilala lada: gi iwida:mina. Ma:mai gi waelabega gima na: ga:olelowa, LODote lalelo.

Malak 3:5

Enobala na: LOD Kamalinapate lalelowa, na: gi bamina gima da: auwama pa:lamalowa. Na: wasiwada:nata: ato ili dala ilinata: sewatale gilala lada:nata: okona lumumunu wisa papala ilile aleda:nata: gaigiyanata: gwama gamisinata: a:pite salipana a:ima etoda:mininina lumata: atakabina lumadima gi pa:pa sogolale a:na:da:mininina lumata: a:pite na: pa:pa emodilina lumata: obaimunu gi babamudamonamalowa.

Malak 4:6

Obate pa:te wawata: gwama segeta: opa:ya litata edilina gwama menagi da:minamalelo, na: a:ma gi pa:pa a:na:minamalowamena tepala ne auwaminamalowamena ga:o gite da: dapolamalelo.