Sekal 3:4 - Godope Awananapa Gilala

⁴ Pa:li lumagite amale obape sosoko palale litatiliyana lumadima a:negelayana, obape tatalina kakana lopala wama kwakwimena. Amale obate Yosuwa dima a:negelayana, A: ti, na: a:dowali sosawe gi a wama pikima:wamena. Na: wisa kabiginapa kaliko a: dima kaima:malowa.

Sekal 3:4 Iomraidhean Croise

Maik 7:18

Powate a: God a:na:piya, obate sosawena a:na:da:mina gi sawada:munote kobele etanapa, obape wala edelina na:sa:da:miyana lumadima. A: pa:pa elomina tepala ga:olotanapa ameta kabiginapa awe iwalela gi kekemina gima sa:kelalo.

Maik 7:19

A: gwama sa:dima sa: iwalesa: gi a:na:minamalelo a: sa:dowali sosawe gi a:pe a:ile etoda:minamalelo a:pite sa:pe pa: sogoda:na gi waelabega gaolanapa wasewa gobama ba:ba:minamalelo.

Sekal 3:1

Amale obape ganabinapa guwali dalagi Yosuwa gi na: ituna:miyana. Obate LODope pa:li lumagipe sosoko palala lelaloyana a:pite satan obape mimiti ya:dela lelaloyana oba papatada:munamalale.

Sekal 3:7

Ma:ma enoba LOD Kamalinapate lalelona gilala, a: na:dowali gi gobala wamunote ne a: anadolowamena gi a:na:da:munamalelona a: na:dowali genama tilanapa elamalelo. Na:dowali genama ekawa somowaba e apeyanapa elamalelo, a:pite na: a: dima sogola atamalowa ma:mala litatilina luma gobala ela gima.

Sekal 3:9

Tila, ne Yosuwape lopa palama miyamana ba:kele tao 7 a:meta, enoba ya:ma menagi ba:kelele, a:pite na: a:ma ba:kelema gilala alulamalowa, LOD Kamalinapate enoba gilala lalelo. Amale na: kadepa menagile ma:ma wape sosawe gi wama alete welamalowa.