Sekal 3:1 - Godope Awananapa Gilala

¹ Amale obape ganabinapa guwali dalagi Yosuwa gi na: ituna:miyana. Obate LODope pa:li lumagipe sosoko palala lelaloyana a:pite satan obape mimiti ya:dela lelaloyana oba papatada:munamalale.

Sekal 3:1 Iomraidhean Croise

A:ig 1:1

Kanaba Daliyus obate sakinapa gogola kanaba eloyana tepala, enoba 6 samoso lopanapa kadepala, Selubabel enoba Sa:eltielepe pulagi Yuda wala gabamani eloyana. A:pite Yosuwa enoba Yeyosadakape pulagi, Sidinapa guwali dalagi eloyana. Amale Godote obape wala gilala lada:napa dalagi A:igaite obai sakidima gwalemonoyana.

A:ig 1:12

Enobala Selubabel enoba Sa:eltielepe matata:, a:pite Yosuwa enoba Yeyosadakape mata, oba enoba sidinapa guwali dalagi, gwama Islael luma waelabegada obaimunu LOD Godope gilala lada:napa dalagi A:igayate gwalemonoyana gilalama gima kamidiyana, gi ase A:igai enoba obaimunu LOD Godote auwamiyana dalagi. Enobala obaite LOD emodiliyana.

A:ig 2:4

Selubabel a:ta: a:pite Yosuwa Yeyosadakape pulagi sidinapa guwali dalagi a:ta: a:pite da: Islael luma waelabegata:. Amapulale da: kamalibapi eda:madelewa. Ma:ma enoba LOD Kamalinapate lalelona gilala.

Sekal 1:13

Amale LODotena: dima gwalemonoyana pa:li dalagi dima gelamina gilalata: kamalimina gilalata: gwalemonoyana.

Sekal 1:19

Na:da gwalemonoyana pa:li dalagi anayamana, ma:ma powa lopalaya. Obate na:pe gilala wisa eyana. Ma:ma enobai kalita, obaite Yudata: Islaelata: gwama Yelusalemata: wama opa:pa:ya auda:mina ediyana.

Sekal 1:9

Na: amale a:nege layamana, nagala na:pe LOD, ma:mai powa lopalaya. Na:da gwalemonoyana pa:li dalagi amale na:pe gilala wisa eyana. Obate a:negelayana, na: obaimunu gi a: ituminamalowa.

Sekal 2:3

Amale na:da gwalemonoyana pa:li dalagi na: elatena:yala a:pite eta pa:li dalagite oba dima pa:yana.

Sekal 3:8

Ganabinapa guwali dalagi Yosuwa a:ta: a:da mitatiliyana a: amowana lumata: da: enamada:la, wapikile saoda:madilina gima de gibabana edelewa. Na: na:dowali gisaolanapa i tala gwalite pa:lamalowa.

Sekal 4:14

Enobala oba a:negelayana. Ma:mai enobai mai etapada:mida:na dala saki, obaite a:i baigala kabiginapa LOD dima gisaola elili.

Sekal 6:11

A: golodota: silibata: alete wete waiya a:na:mite, a:pite sidinapa guwali dalagi Yosuwa Yeyosadape matape ganabima kaima:.

Malak 3:1

Da: tila na: na:dowali Gigiwinapa auwaminamalowa, obate da:pe nabidi sa:leminamalelo. Amale de uwalelewamena LOD obate obape genamama sela pa:labega elamalelo. Enoba Gigiwinapa gibalama bata gi de iwiminewamena. Obate pa:lelo, enoba LOD Kamalinapate lalelona gilala.