Sekal 2:11 - Godope Awananapa Gilala

¹¹ Waelabega baigabaigate a:ma kadepala LODoda paoda:madili amale obaite na:dowali luma eda:madili. Na: da: gobala elamalowa a:pite da: LOD Kamalinapate da: dima na: auna:miyana gi itawa eda:madelewa.

Sekal 2:11 Iomraidhean Croise

Maik 4:2

Waelabega a:ibaigate oba dima pa:da:te a:nege lalamadili, pa:da:la, saga LODope podo sakama dida:. Ya:ikobape Godope genama sabama. Obate obape gi sa: itusa:minamalale, se obape nabidile wamidelamada:le. Sayon sakala babala gite wama saolamalelo, Yelusalem baigala LODope gilalate wama saolamalelo.

Sekal 1:16

Enoba gile ma:ma enoba LODote lalelona gilala, na: gwama kabiginapa gela gida Yelusalem baigama welamalowa a:pite a:ma wala lumate na:pe genama gwama a:na:minamadili. A:pite awapamina taote Yelusalem baiga a:yatama welamalelo, LOD Kamalinapate enoba gi lalelo.

Sekal 2:5

A:pite na: na:ya a:mala ilale ta lapilamalowa, LODote lalelo. A:pite na: na:ya obape lulila elamalowa.

Sekal 3:10

Ya:ma kadepala da: waelabeyagaite da:dowali sopodala ameta awedamita ameta awadamita edelamadelewa. Da:dowali galip tokobe adamita: pigi ita: a:wala mitatelamada:le. LOD Kamalinapate lalelo.

Sekal 8:3

Ma:ma enoba LODote lalelona gilala. Na: Sayon wama gwama isola:te pa:te Yelusalem baigala elamalowa. Enoba tepala lumate Yelusalem baiga gibalama gi baiga gagi omona:madili, obai LOD Kamalinapape saka awana saka gagi omona:madili.

Sekal 8:8

Na: obai gwama alete pa:lamalowa Yelusalem baigala edelamada:le, obai na:dowali luma edelamadili, a:pite na: obaimunu God eladele obai dima gibalamanapata: sogolanapata: elamalowa.

Malak 1:11

Kadepate dilelona palata: gwama siliminanona palata:le na:dowali gagite kabiginapa elelo, enoba a:ibaiga wa kabigibegale. Waelabega a:ibaigala lumate na:dowali gagi gima sa:lele ipowada:na nagala lopalata: awapada:na nagala lopalata:le balelaminamadili. Gi ase na: enoba Kamalinapa LOD.