Sekal 12:3 - Godope Awananapa Gilala

³ Ya:ma kadepala, enoba a:ibaigana luma waelabeyagaite oba dima giwa:la edelamada:le pa:da:madilina, na: waelabega baigabaigadima Yelusalem kalekalenapa ba:kele minamalowa. Obaite wama galaminamada:le a:pidelamadilina tepala ameta obaiya obai galabe da:minamadili.

Sekal 12:3 Iomraidhean Croise

Auba 1:18

Ya:ikobape lumata: Yausepepe lumata: obai ila a:na:pi edelamadili, obaite Isope luma sosaweda:minamadili ilate kakapa oloda:malelona gi a:na:pi, Isope lumagi eta menagite pa:pa kanika:wamalelo. Ma:ma gi elamalelo gi ase na: enoba LODote ma:ma gilala lalelowa.

Maik 5:15

Na: ilabegale ga:oladele da:dima da:pe sosawe gi wisa dapulamalowa. Enoba na:pe gilalama pa:pa gima kamideyamana lumadima.

Maik 5:8

Dibulama alete na:da:dele na:sa:da:miyana Ya:ikobope luma menagigida:te eta:mi a:ibaigada edelamadili, luma waelabega gobala. Laiyon a:na:pi da:niya gobana wa waida elelo. Apela kanika:napa laiyon a:na:pi sip gagasila gobala elelo, a:pite oba amowanapate pa:pa amowamalelo.

A:bak 2:17

E Lebanon wama kamali bega eloyana gite ameta a: lapolamalelo, e wai dapoloyana kamali gite ameta a: dima kabiginapa emo gi atamalelo. Ase a lumagipe dede a samiyana, wata: kabigida:na baigata: a:pite a:mai gobana lumata: sosawe dapola bega eyana.

Sepen 3:19

A:ma tepala ne gi a:na:minamalowa, da:dima sosawe gi a:na:da:miniyana lumadima. Na: a:i sauda:na lumumunu galabe pawamidamamalowa a:pite wama opa:ya na:da: ediyana luma gwama gaogoda:munamalowa. Na: obai dima sa:kela gita: ewama: gita: datamalowa wa waelabegala obai pisalada:miayana sabala.

A:ig 2:22

Na kabigida:na baiga baiga a:ima ba:ba:mite obaimunu kakamali ekeda:minamalowa. Na: obaimunu giwa:la gawata: a:mai gawa alelamidilina dalata: a:ima ba:ba:minamalowa, obaimunu osote kaokolamadili a:pite obai alelawamidilina dalate obaiya obai dapolamadili.

Sekal 12:11

Ya:ma kadepala Yelusalem baiga gobala kabigibegale sabedelamadili, Adad Limonite Megido wala sabeloyana gi a:na:pi.

Sekal 12:4

Ya:ma kadepla na: os waelabega emo gi datate a:pite osole wamidelatana dala waelabega daledale gi datamalowa, LODote lalelo. Na: tao ilamale Yuda wa sa:lele tilamalowa, ameta na: baigabaiga waelabeyagimunu osomunu tao kaokoda:munamalowa.

Sekal 12:6

Ya:ma kadepala na: Yuda wana kabigida:na dala ila tilimina gobama toda:napa olololona sosopane a:na:pi minamalowa, gwama teya papamina gobanapa ila awa a:na:pi. A:na:pile obaite ya:deta: ya:deta:la edelina luma dapolale dapolamadili, ameta Yelusalem obape sabale sa:lele elamalelo.

Sekal 13:1

Ya:ma kadepala wi daodo pisa ka:elamalelo Da:ibidipe lumata: Yelusalem baigana lumata:dima, obaimunu sosawe gita: tatali gita: wida:mina gima.

Sekal 14:13

Ya:ma kadepala LODote kabiginapa emo gile luma dapolamalelo. Dala waelabega etape mai gwalita, ameta giwa:lamite ameta giwa:lamite edelamadili.

Sekal 14:6

Ya:ma kadepala wa pa:pa lulilamalelo, itilanapa itite wa itiminamalelo.