Sekal 11:3 - Godope Awananapa Gilala

³ Sip tida:na dalimunu adimada: enamada:la, obaimunu sa:lenapa tiladanapa wa a sosawe ediyana. Layonote mamidilina siya da: enamada:la, Yoden wanapa da:niya a sosawe bapi eyana.

Sekal 11:3 Iomraidhean Croise

Osey 10:5

Samaliya wala edelina lumate sasiwadelamadili, Bet Aben wanapa pa: gilaladanapa ka:o ididalagi lopala kowabi gima. Obape lumate a:ma ididali gima gwana saweda: edelamadili, a:pite guwali dala iya:ta: oba gima adimadelamadili. Gi ase obadila gweya a biniyana.

Yowel 1:13

Guwali dala, da: esesawalida:na kakana lopala kakamite sabedela, awana nagala lopala apiletedilina ba:kele genama okona dala da: gwanasaweda: edela. Pa:da:la, ama isala esesawalida:na kakana lopala kakamite tenedela, na:dowali Godope sosoko palala gisaola edelewamena dala, ase kon nagala lopalata: adami wi nagala lopalata: da:dowali Godope genamama alete pa:da: gi a ekediyana.

A:imo 8:8

Ma:ma gima waima:te a:ma wa gagagamunamalelo, a:pite a:ma wala edelina lumate sabedelamadili. Nael wasewanapa wi a:na:pi a:ma wate patamalelo obate toteketate dite a:pite gwama wima manamalelo Isipt wanapa Nael wasewa a:na:pi.

Sepen 1:10

LODote lalelo, ya:ma kadepala, Mewa ogosa tepama adimada: siya enamada:madili, kabiginapa baiga gobanapa sakinapa palale obaite obaimunu mi dapoladele adimadelamadili, a:pite sakale lopalate nisiselamadilina siyate saoda:madili.

Sepen 3:11

A:ma kadepala lumate a: papa pisalaminamadili, ena: dima a:na:da:munoyana sosawena gima, gi ase ma:ma baiga gobala na: awagana: gima sa:keladilina luma wama auda:minamalowa. A: pa:pa gwama na: awagana: elamalelo na:dowali awana sakala.

Sepen 3:3

Obape opisol dala enobai kakamalina layon a:na:pi ulupodili, obape gaganabina dala enobai debe tepala wamideletedilina wa soka: edili, obai eta kadepana nana lopala pa: alitana.

Sekal 11:2

Wata i, a: adimado, gi ase seda i a dilawena, sa:sa:lena i sosawe bapi eda:wana. Basana wana kakaleda:na i da: sabedela, sa:lenapa da:niyana i a lumate lapoliyana.

Sekal 11:8

A:pite menagi samosola na: sip tida:na salikiliwa wama auda:miyamana. Sip gagasilate na: ilapala edeliyana, enobala na: obaimunu gima ilapala ete a:negelayamana,