Sekal 10:6 - Godope Awananapa Gilala

⁶ Na: Yudape luma kamalida:mite a:pite Yausepepe lumumunu galabe pawamidamamalowa. Na: obai gwama sa:leda:minamalowa gi ase na: obai aweda:lowa. Obai ne lope pa:pa na:sa:da:miyamana luma a:na:pi eda:madili, gi ase na: enoba LOD obaimunu God, na: obai dima gilala wisa ladolamalowa.

Sekal 10:6 Iomraidhean Croise

Osey 1:11

Yuda wana lumata: Islael wana lumata: obaite gwama menagiminamadili. Obaite menagi kanaba dalagi pakaminamadili a:pite obaite ya:ma wa gobale wama saoda:madili, gi ase Yeselelepe kadepate kabiginapa kadepa elamalelo.

Osey 1:7

Na: ameta Yuda wana lumadima awe iwalela gi kekeminamalowa. Na: enoba obaimunu LOD God, obaimunu galabe ne pawada:munamalowa, pa: giwa:la gile. Pa: gagita: pa: giwa:la gili waisota: pa: osota: gwama osole wamidilina dalata:le. Awa.

Osey 14:9

Awapa sa:kemanapa lumagite ma:mai gi itawa ela gima. Gi iwalela kamalinapa lumagite awapa elelo ma:ma gi itawa ela gima. LODope nabidi enoba sogola, gi sogoda:na lumate a:mai sogola gi gobala wamidilila, ameta obape gi asakamininina lumate a:ma sogola gi gobala a:i gagaminini.

Osey 2:23

Na: gima na: oba a:ma a:ima toda:malowa. Na:pe awe iwalela kekeminamalowa ne Lo-Luyama lumagige layamana lumagidima, A:pite ne Lo-Ami gagi omona:yamana lumadima na: lalamalowa da: na:pe luma A:pite obaite lalamadili, a: enoba sa:dowali God.

Auba 1:18

Ya:ikobape lumata: Yausepepe lumata: obai ila a:na:pi edelamadili, obaite Isope luma sosaweda:minamadili ilate kakapa oloda:malelona gi a:na:pi, Isope lumagi eta menagite pa:pa kanika:wamalelo. Ma:ma gi elamalelo gi ase na: enoba LODote ma:ma gilala lalelowa.

Maik 4:13

Patate obai dapo, O Sayonope aminagi, gi ase na: a: dima auli kalita apulamalowa, na: a: dima blons a:i kati apulamalowa a:pite a: waelabega a:ibaiga ka:ka:munamalelo. A: obai dapolote obaite ilile aleliyana sa:sa:lena lopala waelabega alelote pa:te LOD dima apulamalelo. Enoba a:i baigana waelabeyagimunu LOD.

Maik 4:6

LODote lalelo, a:ma kadepala, na: a:i sauda:na gaogoda:munamalowa. Na: wama alete na:diyana luma gaogoda:munamalowa, a:pite ne gwanasaweda: eladele alete pa:yamana luma.

Maik 5:3

Enoba gi asele Islael wa a: dololola wete susa:gite pulagi aminamalelona tepama saolamalelo. A:pite obape iyani menagigida:te gwama baigama pa:da:madili Islael dima gwama ga:eda:mada:le.

Maik 5:8

Dibulama alete na:da:dele na:sa:da:miyana Ya:ikobope luma menagigida:te eta:mi a:ibaigada edelamadili, luma waelabega gobala. Laiyon a:na:pi da:niya gobana wa waida elelo. Apela kanika:napa laiyon a:na:pi sip gagasila gobala elelo, a:pite oba amowanapate pa:pa amowamalelo.

Maik 7:16

A:i baigate a:mai gi tida:te pisala edelamadili, amale obaimunu kakamalite binida:madili, obaite obaimunu magata maile kawapidelamadili, a:pite obaimunu igibite tuda:madili.

Sekal 1:16

Enoba gile ma:ma enoba LODote lalelona gilala, na: gwama kabiginapa gela gida Yelusalem baigama welamalowa a:pite a:ma wala lumate na:pe genama gwama a:na:minamadili. A:pite awapamina taote Yelusalem baiga a:yatama welamalelo, LOD Kamalinapate enoba gi lalelo.

Sekal 10:12

Na: LOD gobala obai kamalida:minamalowa, a:pite obaite obape gagile wamidelamadili, LODote lalelo.

Sekal 13:9

Ya:ma salikiliwanapa pala gobana luma na: ila gobama alete pa:lamalowa, lumate siliba ololetedilina gi a:na:pi tatali binida:mada:le na: obai oloda:malowa, a:pite golod a:na:pi na: obai teteda:te tilamalowa. Obai na:dowali gagima mamamidiwila na: obai dima gilala ladolamalowa, na: a:nege lalamalowa, obai enobai na:dowali luma, a:pite obai a:nege lalamadili, LOD enoba sa:dowali God.

Sekal 8:11

Ameta na: ne lope ma:mai lumadima a:na:da:munoyamana gi amapula na: pa:pa gwama pa:diwina lumadima a:na:pi a:na:da:mina elamalowa, LOD Kamalinapate lalelo.

Sekal 9:16

Ya:ma kadepala LOD Godote obaimunu galabe pawamidamamalelo sip tida:napate obape sip gagasila sa:lele tidolamalelona gi a:na:pi. Obaite obape wa gobala pa:kepa:ke bapina luma edelamadili, ganabi waiya gobanapa ba:kele a:na:pi.