Sekal 10:10 - Godope Awananapa Gilala

¹⁰ Na: Isipt wala obai gwama alete pa:lamalowa Asiliya wale na: obai gwama gaogoda:minamalowa. Na: Giliyad wata: Lebanon wata:ma obai alete pa:wamela, obaite eda: gima eda: saba pa:pa awapa elamalelo.

Sekal 10:10 Iomraidhean Croise

Osey 11:10

Obaite LOD gwalama:madili, obate layon a:na:pi ulupodolo, Obate ulupodolamamalelona tepala obape segete emoda:dele sasiwoda:da pa:da:madili kadepate siliminanona palala.

Osey 11:11

Obaite emoda pa:da:madii, Isipt wana puwida: a:na:pi, Asiliyana tulugugu puwida: a:na:pi. Na: obai obaimunu baiga ya:bima atilida:minamalowa. LODote lalelo.

Auba 1:20

Yelusalem baigala dibulama alete na:diyana luma gwama Islael wa aletata na:da:te Salepat baigama saoda:madili. Yelusalem baigala dibulama alete na:diyala a:pite Sadi wala edelina obaite Negeb palana baigabaiga alelamadili.

Maik 7:14

A:dowali a:ikole a:dowali luma iwa:la eo, a:dowali wale edelina anekekeyapo gagasida: obaite obaiya eda:na luma edeli da:niya gobala, sa:sa:lena tilate apedilina wala. Awapa obaite Basana wata: Giliyad wata:la baya naenamadili lopena pa:na:diyana kadepana gi a:na:pi.

Sekal 8:7

Ma:ma enoba LOD Kamalinapate lalelona gilala, na: kadepate pulelona palale dowatilina wata: gwama kadepate siliminanona palatale dowatilina wata:le edelina na:dowali lumumunu galabe pawamidamamalowa.

Sekal 8:8

Na: obai gwama alete pa:lamalowa Yelusalem baigala edelamada:le, obai na:dowali luma edelamadili, a:pite na: obaimunu God eladele obai dima gibalamanapata: sogolanapata: elamalowa.