Biblia Todo Logo
Bìoball air-loidhne

- Sanasan -




Osey 9:3 - Godope Awananapa Gilala

3 Obaite LODope wa gobala pa:pa dowatamidelamadili, Ipala:im obate gwama Isipt wama isola:lete wete a:mala Asiliya wala tatalina baya naonamalelo.

Faic an caibideil Dèan lethbhreac




Osey 9:3
24 Iomraidhean Croise  

Obaite emoda pa:da:madii, Isipt wana puwida: a:na:pi, Asiliyana tulugugu puwida: a:na:pi. Na: obai obaimunu baiga ya:bima atilida:minamalowa. LODote lalelo.


Obai Isipt wama gwama na:da:madili a:pite Asiliyate gwama obai apeyanapa elamalelo, gi ase obai pa:pa iwiminini obaimunu sosawele wama esa:da: gima.


Ipala:im enoba keleba puwida: a:na:pi, oba gasumina gima gi pa: kalekalebega gwama oba iwalela pa: kalekale, obate eta tepala Isipt wadima mamamida:lo eta tepala obate Asiliyadima esa:lo.


Obai Kamalinapa Sidinapadima pa:pa esa:dili, obai enoba saitasaitanapa gagi a:na:pi. Obaimunu gaganabinate gili wasole nisisilamadili obaimunu pa: sogoda:na asakada:mina gilala gile. A:ma gima lumate obai iyada:minamadili Isipt wa gobala.


Obaitena: dima nagala eda:tediliyana nagala lopala nagala gima alitediliyana amale obaite a:mai sesepo nanetediliyana, ameta LOD obai dima pa:pa sa:kelalotoloyana. Amapula obate obaimunu sosawe a:na:da:mina gi iwaleda:munamalelo a:pite obaimunu sosawe gi wisa dapulamalelo. Obaite gwama Isipt wama isola:da:madili.


Galabe gobala wama emoda:te saoda:madilina, Isipt obai menagi sabama alolamalelo, a:pite Mepisite obai a:ida:munamalelo. Obaimunu silibate dowatiliyana sasaba ameta palepate apeda:madili, a:pite oladana tokobete obaimunu bikiwala apeda:madili.


Enobala ma:ma enoba LODote lalelona gilala. A:dowali susa:gite kabinapa baiga gobala kipale gosa gima obape obe ewada:na:napa susa:gi elamalelo, a:pite a:dowali segeta: susukowabita: giwa:la gilile kaokolamadili. A:dowali a:i lumate babaminete opa:ya alela eda:madili, a:pite a:niya:ta: wete God gi pa: itawanapa a:i baigala kaolamalelo. A:pite Islael wa gibapile dibula gima welamalelo, obaite obaimunu ya:bi gwalila wa elatete wabeganapa wama dibula gima na:da:madili.


Patimada:te, wama na:da:la, ase ma:ma pa: da:pe a:me saba. Gi ase oba a sosawe ewena, oba a titimiwina, oba sa:lela gima nabidi bini.


Lean sinn:

Sanasan


Sanasan