Osey 8:4 - Godope Awananapa Gilala

⁴ Obaite kakanaba pakakaminini pa: na:pe itawa gile, na:pe gilala bini gobala obaite kanabape sege domonini. Obaimunu silibata: gaolodota:le obaite obaiya obai gima ididali a:na:da:miniyana enobala obaite obaiya obai dima galabe egete pa:diyana.

Osey 8:4 Iomraidhean Croise

Osey 13:1

Ipala:imite gwalemonoyana tepala eta:mi lsalael lumate sasiwadiliyana, Islael wa gobala obate sidinapa sabama oba pakamiyana. Ameta obaite Ba:il ididali balelada:miniyana a:ma gima obaite kaokolamadili.

Osey 13:11

Enobala na:pe ga:o gobala na: da:dima kanaba datayamana, a:pite na:dowali ga:o gi galabele na: oba gwama gwalite wama saoyamana.

Osey 13:2

Amapula obaite sosawe gi gwama a:na:da:mineta gwama a:na:da:mineta edili. Obaite obaiya obaimunu silibale obaimunu ididali a:na:da:mineta edili. Sa:kemale a:na:da:miniyana ididali a:mai lopala waelabega enobai ididali a:na:da:minete edilina dalimunu sa:kema. Enobala ma:mai luma gima lalili. Obaite luma ilama nagala lopala apiletedili, a:pite ididali ka:o totoda:minetedili.

Osey 2:8

Obate na: pa:pa sa:lele tina:yana, ne konata: waen kanika:ta: a:pite olib oweleta: oba dima apuloyamana gi, a:na:pi silibata: gaolodota: kabigibegale apiladele oba sa:kelaminoyamana, ameta obaite Ba:il ididalidima dapiliyana.

Osey 8:3

Ameta Islael sa:lenapa gi a ilapala eyana, giwa:lanapate oba gwalama:malelo.