Osey 8:1 - Godope Awananapa Gilala

¹ A:pe magata pima tutuli miya:, giwa:lanapa waliyate LODope genama sidile puwilamina:no, gi ase luma na:dowali gima kamina gi babala a ka:miyana a:pite obai na:dowali babala asakamiyana.

Osey 8:1 Iomraidhean Croise

Osey 4:6

na:pe luma itawa gi bini gile kaokoliyana. Gi ase a: itawa gi a ilapala eyana, na: iya:ta: a:e guwali ela gima a: ilapala elamalowa, gi ase a: a:dowali Godope babala a baiga dapoyana. Na: a:dowali sege iya:ta: baiga dapolamalowa.

Osey 5:8

Gibiya wala tutuli iwila, Lama wala i umina dapola. Bet Aben wala giwa:la gilalale ga:gemadela Beniyamin a: lopa ete we.

Osey 6:7

A:da:m a:na:pi obai kalekalenapa bata gi a ka:miyana, obai ya:mala na:le wama na:diyana.

Osey 9:15

Gilagal wala obaimunu pa: sogoda:na a:na:da:mina gima na: a:mala obai ilapala eloyamana. Obaimunu sosawe a:na:da:mina gima na: obai na:dowali genama gobala wama alete saolamalowa. Na: obai pa:pa gwama awedolamalowa, obaimunu gaganabinate na: asakana:minili.

Yowel 2:1

Tutuli iwidela, Sayon baiga gobala, na:dowali awana sakala siya pakamina. Wa gobala edelina luma da: sasiwadela, gi ase LODope kadepa a pa:lelo, a:ma kadepa a auwapula elelo,

Yowel 2:15

Tutuli iwila Sayon sakala, baya awana eda: gima luma danala, awanale gaomina gima awada:mina.

A:imo 3:6

Tutulile kabiginapa baiga gobala gilada:malelona tepala, luma emodelamadili, Menenapa gite kabinapa baiga gobama saolamalelona, ya:ma LODote a:na:miwina gi.

A:imo 8:3

LOD Godote lalelo, na: enoba Sidinapa LODote lalelowa, a:ma kadepala balelamina genamana dilite sabe dilima leleda:madili. Lumumunu kaokoda:na obebe waelabeyagaite wa kabigibegale dowatelamadili. Iwiya awana.

A:imo 9:1

Na: LOD tiliyamana ba:kele i genama lopa palale lelaleyala a:pite obate layana. Balelamina genama salo lapoda: genama pakamite litatilina salote gagaga edelamada:le. Luma waelabeyagimunu gaganabima alete kola:madelewa a:pite pa:pa meleda eda:madilina luma ne giwa:la gilile dapolamalowa. Eta lumagi menagite pa:pa wama saolamalelo, pa:pa etate a: wama emolamalelo.

A:bak 1:8

Obaimunu os a:i agogoda: beyagai obai lepad waimunu agogoda: giwidili, wa debela wamidilina wa soka:imunu kamali giwidili. Obaimunu giwa:la oso sela gugula:te pa:na:dili, obaimunu osole wamidilina dala wabegale pa:dili. Waliya puwida:te nana lopala egelamalale pelotolona gi a:na:pi obai pa:na:dili,

Sepen 1:16

tutuli siyate giladelamadili a:pite lumate giwa:la mamamida:te siya pakakaminamadili enoba tadana baigama a:pite ebatana ga:gemida:na kabigida:na gegenama gagasida:ta:.

Sekal 11:1

Lebanon a:dowali ogosa gagamu, ilate a:dowali seda i oloda:malale.

Sekal 9:14

Enoba tepala LODote sidile obai dima saolamalelo, obape soba kadepate pa:ela gi a:na:pi elamalelo. LOD Awananapate tutuli iwilamalelo, oba siyale palana gogo laoda:le pa:lamalelo,