Osey 7:7 - Godope Awananapa Gilala

⁷ Seyata ilanapa a:na:pi obai waelabega a a:na:pi ediyana, Obaite obaimunu gaganabina munitidili. Obaimunu kakanaba waelabeyagai nisisilili, a:pite etate na: pa:pa awana:miyana.

Osey 7:7 Iomraidhean Croise

Osey 13:10

A:dowali kanaba ba:maya obate a:dowali galabe pawamina gima. A:dowali kokowabina baiga gogobala a:dowali ganabinapa ba:maya, a: e layana, na: dima kanabata: kanabape matata: napu.

Osey 5:15

Na: amale na:dowali wama gwama welamalowa, amale obai obaimunu sosawe gima gibaba eda:madili. Amale obai na:pe imimi uwalelamadili, obaimunu ededa:mida: gobala obaite na: gamobegale uwalenenamadili.

Osey 7:10

Islaelpe na: awagana: gite lalelo Islael sosawenapa, ameta oba LOD Gododima pa:pa gwama isola:yana gwama oba pa:pa uwaloloyana.

Osey 7:14

Obai pa:pa obaimunu alipolena: dima adimadili ameta obai obaimunu tene sabala adimadili. Obaite kona taota: adami wi kanika:ta:ma menagimite gaogoda:minadele ameta na:le wama esa:dili.

Osey 8:4

Obaite kakanaba pakakaminini pa: na:pe itawa gile, na:pe gilala bini gobala obaite kanabape sege domonini. Obaimunu silibata: gaolodota:le obaite obaiya obai gima ididali a:na:da:miniyana enobala obaite obaiya obai dima galabe egete pa:diyana.

Maik 2:1

Galabete da:dima sa:lete dololo da: sosawe gi bata edelewamena lumadima. Obaimunu tene sasabale dowatate a:mai sosawe a:na:da:mina gima bata edelewa. Ibasegenapa kadepa lulilale obaite a:mai bata gi a:na:da:minini, gi ase a:mai gi a:na:da:mina gima obaimunu kamali gobala dowatili.