Osey 4:6 - Godope Awananapa Gilala

⁶ na:pe luma itawa gi bini gile kaokoliyana. Gi ase a: itawa gi a ilapala eyana, na: iya:ta: a:e guwali ela gima a: ilapala elamalowa, gi ase a: a:dowali Godope babala a baiga dapoyana. Na: a:dowali sege iya:ta: baiga dapolamalowa.

Osey 4:6 Iomraidhean Croise

Osey 13:6

Na: obai baya dapulaleyamala obai gwana idiyana, obai gwana idiyana tepala na: awagana: gima saodiyana, amale obaite na: gi kobele ediyana.

Osey 2:13

Na: ya:mai kadepa gima oba dima wisa atamalowa, enoba Obate ilale oloda:na sa:lele ipowada:na lopala Ba:il ididalidima apuloyana. Obate obaya obama mai mudita: tulikiyapota: kakamiyana, amale oba iwiminetediliyana dala wapikile gwaladamate weleyana, obate ameta na: gi a kobele ena:yana. LOD enoba gi lalelo.

Osey 4:1

LODope gilala enamada:la da: Islaelana luma gi ase LOD dile kamalinapa da: danada: gilala a:meta, da: ma:ma wala edelewamena lumadima. Ma:ma wala gibalama gi bini, gwama awe gi bini, gwama God iwalelanapa lumagi bini.

Osey 4:12

Na:dowali luma Obaite ididali dima na:da:tedili a:pite i palate obaimunu gilala wisa elotelelo. Obaiya obai ewada: gi limote obai a wama alete ka:oyana, obai obaimunu God pa:pa awele iwaleleli.

Osey 4:14

Na: da:pe amina pa:pa dapolamalowa obaite obebe ewada: gima eseda:madilina tepala, gwama da:pe apili iya:ta: enoba a:na:pi, obaite dala bilibili gima eseda:madilina tepala gi ase dala obaiya dala bilibilina ato dima na:da:tedili a:pite obaite ididali balelada:minetedilina genama gobana dala bilibilina atoda ewama: gi a:na:da:minetedili. Gi iwaleda: binina lumate a:ima niseselete sosawe eda:madili.

Osey 5:4

Obaimunu gite obai awapa gi pa:pa datalo, obaite obaimunu Gododima gwama pa:da:mada:le. Obaiya obai ewada: gi a:meta obaimunu alipo gobala dololo. Obai LOD gi pa: itawada:.

Osey 6:6

Na: kabiginapa awe nagala iwiminoyamana, pa: nagala lopala, a:pite God itawa gi da: gobama iwimunoyamana, pa: ilale oloda:na nagala lopala.

Osey 7:11

Ipala:im enoba keleba puwida: a:na:pi, oba gasumina gima gi pa: kalekalebega gwama oba iwalela pa: kalekale, obate eta tepala Isipt wadima mamamida:lo eta tepala obate Asiliyadima esa:lo.

Osey 7:9

Atakabinate obape kamali a binimiyana, ameta oba a:ma gi pa:pa itawa eyana. Obape tita a kalate kawapiyana, ameta oba a:ma gi pa:pa tilelo.

Osey 8:1

A:pe magata pima tutuli miya:, giwa:lanapa waliyate LODope genama sidile puwilamina:no, gi ase luma na:dowali gima kamina gi babala a ka:miyana a:pite obai na:dowali babala asakamiyana.

Osey 8:12

Na: obai gima na:pe babala gobama gi waelabeyagai aliloyamana, ameta obaite a:ma gi ameta atakabinapimunu gi miyana.

Osey 8:14

Islael obate oba a:na:minanapa lumagi a elatete eta:mi kabigida:na kanaba gegenama a a:na:da:munoyana, Yuda obate giwa:late sa:ela gima pa: awapada:na baigabaiga a a:na:da:munoyana. Ameta na: ila obaimunu baiga gobama auwada:minamalowa a:mai ilate amale a:mai kakaleda:na baigabaiga oloda:malelo.

Osey 9:17

Na:dowali Godote obai a ilapala eyana, gi ase obai obape gilalama ilapala ediyana, a:pite obaite eta:mi wala a: wamida:na edelamadili.