Osey 4:3 - Godope Awananapa Gilala

³ Ma:ma gima wate sabelelo, A:pite a:ma wala edelamadilina luma matate a:ima pelolamalelo. Wa gobana waita: gwama sidile puwida:midilina puwida:ta: a:pite wi gobana mewata: a kaokolili.

Osey 4:3 Iomraidhean Croise

Yowel 1:18

Ka:o a:na:pi adimada:le ededamidili. Obai gagasida:le daledalele wamidili, gi ase sa:sa:lena tila a sesediwina, sip gagasila iya:ta: obai alikikimina enamadili.

A:imo 1:2

Obate layana, Sayon baigala LODote layon a:na:pi ulupodoloyana. Yelusalem baigala oba kadepape gigila a:na:pi elelo, sip tida:napimunu tiladana wa a sesedili, Ka:mol podo sidila wate sa:ila bapi elelo.

A:imo 5:16

Enobala ma:ma enoba LOD God Kamalinapate lalelona gilala. Nabidi tetepala sabe siyate dololamalelo, a:pite mana gegenama sasabale gwanasaweda: gite dowatelamadili. Egada okona awada:minamadili adimada: gima a:pite sabedilina lumate mamale adimadelamadili.

A:imo 8:8

Ma:ma gima waima:te a:ma wa gagagamunamalelo, a:pite a:ma wala edelina lumate sabedelamadili. Nael wasewanapa wi a:na:pi a:ma wate patamalelo obate toteketate dite a:pite gwama wima manamalelo Isipt wanapa Nael wasewa a:na:pi.

Nayu 1:4

Oba wasewa anadolote wi apada:munotelelo, Wasewa waelabega gobana wi obate apada:mitelelo. Basan wata: Ka:mel wata:la apedilina lopala waelabeyagai sesedili, Lebanon wana ikala iya:ta: sesedili.

Sepen 1:3

Na: lumata: waita: daligile wama lapedolamalowa, na: sidina puwida: wama lapedolamalowa, a:pite wasewa gobana mewa wama gagamunamalowa. Na: luma danamela sosawe gi a:na:da:minina luma dapote binida:minamadili, na: ma:ma a:ibaigala edilina luma dapolamalowa, LODote lalelo.

Sekal 5:4

LOD Kamalinapate lalelo, na: ma:ma pepa papamina wama auwamimela obate ilina lumumunu gegenamata: sewatale na:dowali gagile gilala ladilina lumumunu gegenamata: waelabega gobama sa:elamalelo. Ya:ma pepa golomina genama gobala dolate genama ita: ba:keleta: sosaweda:munamalelo.