Biblia Todo Logo
Bìoball air-loidhne

- Sanasan -




Osey 4:12 - Godope Awananapa Gilala

12 Na:dowali luma Obaite ididali dima na:da:tedili a:pite i palate obaimunu gilala wisa elotelelo. Obaiya obai ewada: gi limote obai a wama alete ka:oyana, obai obaimunu God pa:pa awele iwaleleli.

Faic an caibideil Dèan lethbhreac




Osey 4:12
25 Iomraidhean Croise  

Asiliyate sa:pe galabe pawamisama gima pa: awapa. Sa: giwa:la osoma pa:pa dida:madili. Se maile a:na:da:minimana ididali dima sa: pa:pa gwama lalamadili, sa:dowali God, gi ase wawata:mi binina lumate a: gobala awe iwalela gi egelamadili.


Obaimunu gite obai awapa gi pa:pa datalo, obaite obaimunu Gododima gwama pa:da:mada:le. Obaiya obai ewada: gi a:meta obaimunu alipo gobala dololo. Obai LOD gi pa: itawada:.


Na: sosawe bapinapa gi a tiliyamana Islael luma gobala. A:ma wala obaite Ipala:im obe ewada: gima atiyana a:pite Islael a sosawe eyana.


O Islael, a: ege sa:kelo, a: ege eta:mi wana lumate sa:kelada:dele maiyatilina gi a:na:pi elamalelo. Gi ase a: a:dowali God pa:pa sa:lele iwaleloyana, a: obebe ewadilina kipale gosa kabigibegale iwaledoloyana adami sasada:miniyana sasaba waelabeyagaile.


Sewatanapata: gwama gasumitada:napata: etate pa:te lalamalelona, na: a: waenta: sikata: alela gima pa: elanapa gi lope lalamalowa, obate ma:mai lumumunu pa: eda:na gi lope ladolotanapa dalagi elamalelo.


Powate lumagite i dima ma:na:pi lala elamalelona, a: kanika:wa ege ya:ma lumagi sosawe bapi elamalelo, o powate lumagite kanika:wa bininapa ba:kele dima lalamalelona, a: salete pata. Ya:mai lopala nabidi ituda:mina gi pa: itawada:. Lumate golodota: silibata:le a kawapidiyana, eta ipopona:da:te oba gobala pa:pa dololo.


Lean sinn:

Sanasan


Sanasan