Osey 4:1 - Godope Awananapa Gilala

¹ LODope gilala enamada:la da: Islaelana luma gi ase LOD dile kamalinapa da: danada: gilala a:meta, da: ma:ma wala edelewamena lumadima. Ma:ma wala gibalama gi bini, gwama awe gi bini, gwama God iwalelanapa lumagi bini.

Osey 4:1 Iomraidhean Croise

Osey 12:2

LODote Yudape gi baminamalelo, oba Ya:ikob dima wisa atamalelo obape sosawenapa ela gima. Obate obape sosawe a:na:mina gima oba dima wisa atamalelo.

Osey 12:3

Obate agipe gwana gobala dolate obape kakape a:i gasima kalekalele gwaliyana, a:pite oba dalagi tepama saote Gododa lapitadoloyana.

Osey 5:1

Da: guwali dala, ma:ma gilala enamada:la Da: Islaelana luma sa:lele enamada:la Enamada:la, da: kanabape genamana, Ma:ma gi bamina gi da: gima pa:lelo. Da: Misipa wala ya:wi a:na:pi edeleyamana, da:pe tiyate Tabo wa egetata weleyana.

Osey 5:4

Obaimunu gite obai awapa gi pa:pa datalo, obaite obaimunu Gododima gwama pa:da:mada:le. Obaiya obai ewada: gi a:meta obaimunu alipo gobala dololo. Obai LOD gi pa: itawada:.

Yowel 1:2

Wawa dala, da: ma:ma gilala enamada:la, wa gobala edelewamena luma da: gi enamada:la. De lope edeleyamana tepala ma:na:pinapa gi saoyanata o da:dowali iniwali kakabeyate edeliyana tepala ma:na:pinapa gi saoyanata.

A:imo 3:1

O Isalalel, ma:ma gilala enamada:la, LODote a:dowali sosawe gima a gwalemonoyana, enoba ne Isipt wale wama gwalite saoyamana noneya.

A:imo 7:16

A:pite amapula a: LODote lalelona gilala enama. A:e lalelo, Isalalel lumadima wala gilala ege lado, a:pite a: Aesekepe noneya dima wala gilala ege lado.

Maik 6:2

O podo, da: LODope anada: gilala enamada:la, enamada:la da: elomina tepala a:ibaigala dowatilina sokokate. Gi ase LOD obape lumadima gi bamina gi a:meta. Obate Islael lumadima gi egete pa:lelo.