Osey 3:5 - Godope Awananapa Gilala

⁵ A:ma gi a:yatala Islaelana lumate LOD obaimunu Godota: Da:ibid obaimunu kanabata: uwaledelamadili. Obaite emoda LOD dima pa:da:madili, a:pite a:yatana kadepala obaite obape sa:kelamina gi gobama pa:da:madili.

Osey 3:5 Iomraidhean Croise

Osey 1:11

Yuda wana lumata: Islael wana lumata: obaite gwama menagiminamadili. Obaite menagi kanaba dalagi pakaminamadili a:pite obaite ya:ma wa gobale wama saoda:madili, gi ase Yeselelepe kadepate kabiginapa kadepa elamalelo.

Osey 11:10

Obaite LOD gwalama:madili, obate layon a:na:pi ulupodolo, Obate ulupodolamamalelona tepala obape segete emoda:dele sasiwoda:da pa:da:madili kadepate siliminanona palala.

Osey 5:15

Na: amale na:dowali wama gwama welamalowa, amale obai obaimunu sosawe gima gibaba eda:madili. Amale obai na:pe imimi uwalelamadili, obaimunu ededa:mida: gobala obaite na: gamobegale uwalenenamadili.

Osey 5:6

Obaite obaimunu bulumakaota: sipita:da na:nili, LOD uwalelamada:le, obai oba pa:pa tilamadili, gi ase oba obaidile a a:wayana.

Osey 6:1

Pa:dala, saga gwama LODdima esaeda:madili. Obate sa: a galabe sa:miyana ameta oba sa:pe galabe gwama sa:leda:munamalelo, obate sa: meleda sa:miyana, ameta oba sa:pe apapaya gwama salolamalelo.

A:imo 9:11

A:ma kadepala na: pakaminamalowa enoba dilayana Da:ibidipe bikiwa. A:pite obape gi gwama pakakaminamalowa, a:pite obape kokoleliyana papala gwama pakakaminamalowa, a:pite gwama lopanapa gweyale a:na:minamalowa,

Maik 4:1

A:yatadana kadepala LOD balelamina genamate lelalona saka a:na:minamadili, waelabega saka gobala obate sidinapa saka elamalelo, eta:mi saka waelabega obate giwida:malelo, A:pite luma waelabegate oba dima gaogominamadili.