Osey 2:8 - Godope Awananapa Gilala

⁸ Obate na: pa:pa sa:lele tina:yana, ne konata: waen kanika:ta: a:pite olib oweleta: oba dima apuloyamana gi, a:na:pi silibata: gaolodota: kabigibegale apiladele oba sa:kelaminoyamana, ameta obaite Ba:il ididalidima dapiliyana.

Osey 2:8 Iomraidhean Croise

Osey 10:1

Islael enoba wa kabigibega egetata welelona tokobe, obate obaya oba dima adami alawada:munoyana. Obape adamite waeda:liyala, oba ididali balelada:mina sasaba waelabeyagai a:na:da:munoyana. Obape a:ite apelaleyala, obape awanana ba:kele sidima awapana lopala aliliyana.

Osey 13:1

Ipala:imite gwalemonoyana tepala eta:mi lsalael lumate sasiwadiliyana, Islael wa gobala obate sidinapa sabama oba pakamiyana. Ameta obaite Ba:il ididali balelada:miniyana a:ma gima obaite kaokolamadili.

Osey 13:2

Amapula obaite sosawe gi gwama a:na:da:mineta gwama a:na:da:mineta edili. Obaite obaiya obaimunu silibale obaimunu ididali a:na:da:mineta edili. Sa:kemale a:na:da:miniyana ididali a:mai lopala waelabega enobai ididali a:na:da:minete edilina dalimunu sa:kema. Enobala ma:mai luma gima lalili. Obaite luma ilama nagala lopala apiletedili, a:pite ididali ka:o totoda:minetedili.

Osey 2:5

Obaimunu agite eta:mi dalada waminano obai pisala gile pipiladiyana. Obate layana, na: iwina:mininina dala gwaladamamalowa. Obaite na:pe bayata: wita: napinini, sipi konata: olib oweleta: nida: lopalata: napinamadili.

Osey 4:11

Obebe ewada: gita: pakalanapa waen sikata: gwama kanika:napa waen sikata:te obaimunu gi iwaleda: a wama aledamate weleyana.

Osey 8:4

Obaite kakanaba pakakaminini pa: na:pe itawa gile, na:pe gilala bini gobala obaite kanabape sege domonini. Obaimunu silibata: gaolodota:le obaite obaiya obai gima ididali a:na:da:miniyana enobala obaite obaiya obai dima galabe egete pa:diyana.

A:bak 1:16

Enobala oba obape tiya dima awanana nagala lopala atalo a:pite sa:sa:lena ipowada:na nagalala lopala obape kabigida:na silimina tiyadima ilale ololotelelo, gi ase obate tiyale alelotolona sa:sa:lena lopalate obape sabale oba sa:kelaminini a:pite obate sa:sa:lena baya nanotolona gima sa:kelalotelelo.