Osey 10:8 - Godope Awananapa Gilala

⁸ Sidina sosawe gi a:na:da:mininina sasaba waelabeyagai gagaminete sosaweda:minamadili, Oladana tilata: teyata:te apeda:te amale obaimunu nagala lopala apila i gegenama kawapida:madili. Amale obaite lalamadili sidina sasaka dima, sa: kawapisa:, a:pite kokowabina sasaka dima lalamadili, sa: sidima nisisila.

Osey 10:8 Iomraidhean Croise

Osey 10:2

Obaimunu alipole gasumitatada: gite dowatili, a:pite amapulale obaite a:ma gipe wisa egelamadili. LODote obaimunu balelamina ba:kele gegenama sosaweda:munamalelo a:pite obaimunu awanana ba:kele sosaweda:munamalelo.

Osey 10:5

Samaliya wala edelina lumate sasiwadelamadili, Bet Aben wanapa pa: gilaladanapa ka:o ididalagi lopala kowabi gima. Obape lumate a:ma ididali gima gwana saweda: edelamadili, a:pite guwali dala iya:ta: oba gima adimadelamadili. Gi ase obadila gweya a biniyana.

Osey 10:9

O Islael, Gibiyate eloyana kadepala, da: sosawe gi a:na:miyamana, a:pite da: a:ma sosawe sidile litate sosawe gi a:na:da:minenewa. Giwa:la gi da: atida:malelo, ase da: Gibiya wana sosawe a:na:da:mida:na luma.

Osey 2:6

Enobala na: obape nabidi tokobe olale kakamunamalowa. Na: kakala bili lapilamalowa obate nabidi pa:pa tila gima.

Osey 4:13

Obaite saka sidile nagala lopala apiletediliyana. A:pite obaite ilale oleletediliyana nagala lopala saka sidile ololiyana, Oka ita: Popola ita: gwama Telebinitita: i a:iya:dela. Gi ase amale a:wa saba sa:lepula bapi. Enobala da:pe amina ameta obebe ewada: gima esa:dilila, da:pe apili ameta dala bilibili gima esa:dili.

Osey 4:15

O Islael, a: dala bilibilinapa elelona tepala, awapa Yuda pa:pa a: a:na:pi elamalelo. Giligal wama pa:pa welamalelo, Bet Aben baigama ege dilamalelo a:pite ege elomina elelona LODope gagile gi kakalaminamalelo.

Osey 5:8

Gibiya wala tutuli iwila, Lama wala i umina dapola. Bet Aben wala giwa:la gilalale ga:gemadela Beniyamin a: lopa ete we.

Osey 8:5

O Sama:liya, a:dowali bulumakao kowabi ididaligi wama miditi, Na:dowali ga:o gite a:ma gima babalelalo. Obai powa tepala tatali binina edelamadiliya.

Osey 9:6

Galabe gobala wama emoda:te saoda:madilina, Isipt obai menagi sabama alolamalelo, a:pite Mepisite obai a:ida:munamalelo. Obaimunu silibate dowatiliyana sasaba ameta palepate apeda:madili, a:pite oladana tokobete obaimunu bikiwala apeda:madili.

A:imo 1:5

Na: Damaskes ogosa ka:minamalowa. Na: kanaba lapolamalowa Aben gwaila elelona, a:pite Bet Iden wala kamalinapa gabi egete elelona dalagi lapolamalowa. Amale Alam wana lumate dibulama na:da:madili, Kil wama, LODote lalelo.

A:imo 3:14

Ne Islaelpe sosawe gima oba wisa atolamalelowamena kadepala, na: Betol wana balelamina ba:kele gegenama gagamunamalowa, balelamina ba:kele genamape iwitawana lopala ta:ta:munowamela a:ima nisisilamadili.

A:imo 7:9

Aesekepe sidina balelamina sasaba na: gagamunamalowa a:pite Islaelepe awana sasaba na: sosaweda:munamalowa, na: Yelebowamape genamana dima na:dowali giwa:la gilile giwa:laminamalowa.

A:imo 8:14

Samaliya wanapa ididalagida gi mengimite edilina luma, gwama Da:n wanapa god eolage latedilina luma, gwama Beyasiba wanapa god eolage latedilina lumate, nisislete kaokolamadili, obai pa:pa gwama patimada:madili.

Maik 1:13

Lakis wala edelewamena luma, oso waite silidimininina sakana sa:liyot gawana taoma luma gagasila ga:ga:mina. Da: enobai sosawe gipe sokatena luma de Sayonope aminagi dima atayamana Islaelpe sosawe a:na:mina wisa a: gobama tiliyana.

Maik 1:5

Ma:ma Ya:ikobape sosawe gi waelabegape mene, Gi ase Islaelpe genama gobanate a:na:miyana sosawe gipe wisa. Ya:ikobape sosawe gi powaya. Pa: Samaliyape sosawe gita. Yudape sidinapa saba powaya. Pa: Yelusalemata.

Nayu 3:11

Nineba, a: obaida dalagile sika nidolote daledale elamalelo, a: a:dowali giwa:lanapate a: lapola gile emo saba uwalolamalelo.