Osey 10:1 - Godope Awananapa Gilala

¹ Islael enoba wa kabigibega egetata welelona tokobe, obate obaya oba dima adami alawada:munoyana. Obape adamite waeda:liyala, oba ididali balelada:mina sasaba waelabeyagai a:na:da:munoyana. Obape a:ite apelaleyala, obape awanana ba:kele sidima awapana lopala aliliyana.

Osey 10:1 Iomraidhean Croise

Osey 12:11

Giliyad sosawe bapinapa, Obape luma enobai sosawena. Giligal wala obai dala ka:o awanana nagala lopala da:minetedili. Obaimunu balalelamina awanana ba:kele gegenama enobai ba:kele tilida:mina a:na:pi eda:madili, a pasaminanapa a:ile dowatelamadili.

Osey 12:8

Ipala:imite obaya oba awaga gile lalelo. Na: ya:biya:bi kabigibeyagai, na: lopala waelanapa lumagi eyamana. Na:dowali lopala waelabeyagai gobala eta, pa: awapanapa gita: sosawe gita: pa:pa tida:madili.

Osey 13:15

Obate obape kakata:mi gobale sa:lele apelamalelo, kadepate ditolona palale LODote pa:lamalelo. Obate a:napa wale laoda:te pa:lamalelo, obape wi daodote sosawe elamalelo, a:pite obape wi tulate apamalelo. Obape baya genama ilile tatala da:minamadili, a:pite lumate obape sa:sa:lena lopala alelamadili.

Osey 13:2

Amapula obaite sosawe gi gwama a:na:da:mineta gwama a:na:da:mineta edili. Obaite obaiya obaimunu silibale obaimunu ididali a:na:da:mineta edili. Sa:kemale a:na:da:miniyana ididali a:mai lopala waelabega enobai ididali a:na:da:minete edilina dalimunu sa:kema. Enobala ma:mai luma gima lalili. Obaite luma ilama nagala lopala apiletedili, a:pite ididali ka:o totoda:minetedili.

Osey 13:6

Na: obai baya dapulaleyamala obai gwana idiyana, obai gwana idiyana tepala na: awagana: gima saodiyana, amale obaite na: gi kobele ediyana.

Osey 2:10

Enobala obape pa: awapada:na gi kekema milamalowa oba iwiminetediliyana dalimunu tao luliyabala. Eta lumagite na:pe mai gobala oba pa:pa gwalilamalelo.

Osey 2:8

Obate na: pa:pa sa:lele tina:yana, ne konata: waen kanika:ta: a:pite olib oweleta: oba dima apuloyamana gi, a:na:pi silibata: gaolodota: kabigibegale apiladele oba sa:kelaminoyamana, ameta obaite Ba:il ididalidima dapiliyana.

Osey 3:4

Gi ase waelabega kadepala Islaelana lumate kanaba bini, kanabape mata bini, nagala lopala bini, nagala lopala apila awana ba:kele bini, guwali kaliko bini, o ididali bini a: edelamadili.

Osey 4:7

Guwali dalate waedelaliyala, na: dima a:na:miniyana sosawe gite waediyana. Obaite na:pe Lulila ameta sosawena ididali dima mai giwitada: edeliyana.

Osey 8:11

Islael obate sosawe wida:mina gima balelada:mina sasaba waelabeyagai a:na:da:munoyana, a:mai sasaba a ameta sosawe a:na:da:mina sasaba ediyana.

Osey 8:4

Obaite kakanaba pakakaminini pa: na:pe itawa gile, na:pe gilala bini gobala obaite kanabape sege domonini. Obaimunu silibata: gaolodota:le obaite obaiya obai gima ididali a:na:da:miniyana enobala obaite obaiya obai dima galabe egete pa:diyana.

Nayu 2:2

LODote Ya:kobipe lulila gwama pakiminamalelo, enoba Islaelpe lulila a:na:pi, giwa:lanate obai a dapolete binida:miyana a:pite obaimunu tokobe adami a dapodamiyana.