Nayu 3:6 - Godope Awananapa Gilala

⁶ Na: gwale a: kawapilamalowa, ne a: pisalaminamalowa, a:pite lumate a: tilite iyaminamadili.

Nayu 3:6 Iomraidhean Croise

Nayu 1:14

Nineba baiga, LOD a: gima gilala a lawena. Oba a:negelalelo, a:dowali gagida:na luma, enobai a:dowali a:iwani, bini balama eda:madili. Obaite maile ukuluta: aulita:le a:na:da:miniyana ididali, enoba a:dowali awanana gegenama gobala dowatilina lopala, na: ka:ka:munamalowa. A:dowali olawa a:idoba tute a: gima sa:leminamalowa, gi ase a: sosawe gi a a:na:da:munoyana.

A:bak 2:16

A: pisala gile, pa: lulilale tawa bega elamalelo. Amapula a:dowali tepa a saowena. A: sika wi nidolote abadu elamalelo. LODope mimiti ya:denapa maile dololona kabuwa a: dima pa:lelo, a:pite a:dowali lulila pisala gite kawapilamalelo.

Sepen 2:15

Ma:ma enoba na: awagana: kabiginapa baiga, obate iwalelalo oba galabe bini eolage lalelo. Obate obaya oba dima layana, na: a:na:pinapa baiga eta bini. Oba a sosawe bapi ewena, wa waimunu a:me saba. Wale pa:delina lumate oba iyaminadele obaimunu mai oba dima pakakamite pipila:da:minamadili.

Malak 2:2

Da:pe a:na:mina gile na: ewamenamadelewa. Da: na:pe gilala pa:pa enamada:madelewamena, na: da: iwida:minamalowa. Da:dowali okole alelamadelewamena lopala ne iwida:minamalowa, da: tila, na: ya:ma gi a a:na:muwamena, gi ase da:pe gwana gobala kabigibegale na: iwalela gi pa:pa dololo.

Malak 2:3

Na: da:pe wapiki palana luma mata baiga dapolamalowa, a:pite da:pe awanana nagala lopala maladile, da:pe sosoko papada:minamalowa, amale a:ma maladi ba:ba:mininina sabama da: iya:ta: ba:ba:minamalowa.

Malak 2:9

Na: enobala luma waelabeyagimunu sosoko palala da: pa: awapada:na lumage lalelowa, de a:ma gipe alikikimina gi gobala gi bini meneda edelamada:le. Gi ase da: ne iwiminowamena gima pa:pa kamida:te a:na:daminenewa. Da: ameta luma waelabeyagai pa:pa na:dowali babalada awapale obai amowadelewa.