Malak 4:6 - Godope Awananapa Gilala

⁶ Obate pa:te wawata: gwama segeta: opa:ya litata edilina gwama menagi da:minamalelo, na: a:ma gi pa:pa a:na:minamalowamena tepala ne auwaminamalowamena ga:o gite da: dapolamalelo.

Malak 4:6 Iomraidhean Croise

Sekal 11:6

LODote lalelo, na: amapula ma:ma wana luma pa:pa mamanada:munamalowa. Na: obai waelabeyagai obai ebatala edelina lumata: gwama obaimunu kanabata: dima dapulamalowa. Obaite wa a:ile etominamadili, a:pite obaimunu kamali gobala na: obai pa:pa wama alete saolamalowa.

Sekal 13:8

Wa kabigibega gobala, LODote lalelo, saki papala lumate dapolale dapolamadili, ameta salikiliwanapa wa pala gobala lumate edelamadili.

Sekal 14:12

Yelusalem baigama giwa:la edelamadilina baiga LODote ma:ma gite tila gile obai dapolamalelo. Obai obaimunu a:ile litatilila ameta obaimunu sesepo baubulamadili, tao lapipilate obaimunu sasabale dowatate baubulamadili, a:pite ma:la:pilate magata gobala dowatate baubulamadili.

Sekal 14:2

Na: baiga waelabeyagai Yelusalem baigama gaogoda:munamalowa oba dima giwa:la edelamada:le, obai baiga egete, gegenama gobana lopala alelete, a:pite ato waelabega sosawe da:minamadili. Giwa:lanate luma pala dibulama alete na:da:madili, ameta luma pala obai baiga gobale pa:pa wama alete na:da:madili.

Sekal 5:3

Obatena: dima layana, ma:ma enoba iwada:mina gite wa kabigibegama welelo, gi ase ma:ma pepa ya:dela dololona gilala enoba ilina luma waelabega wama auwada:mina gilalate dololo, ya:dela dololona gilala enoba sewatale gilala ladilina luma waelabega wama auda: mina gite dololo.