Malak 4:1 - Godope Awananapa Gilala

¹ LOD Kamalinapate lalelo, sosawe gi a:na:da:mida:na lumata: gwama na: awagana:na lumata: da:dima kadepa pulamalelo obaite kakapa ilate oloda:lona a:na:pi eda:madili. A:ma kadepala da: ila gobala binida:madelewa a:pite da:pe eta palate pa:pa dololamalelo.

Malak 4:1 Iomraidhean Croise

Yowel 2:1

Tutuli iwidela, Sayon baiga gobala, na:dowali awana sakala siya pakamina. Wa gobala edelina luma da: sasiwadela, gi ase LODope kadepa a pa:lelo, a:ma kadepa a auwapula elelo,

Yowel 2:31

Kadepa itikanabi elamalelo samosote dede bega elamalelo LODope emosa:mida:napa kadepa pa: saolelona tepala.

A:imo 2:9

Ne obaimunu tao luliyabala Amolona luma dapoloyamana, ameta oba Seda i a:na:pi gigisabega a:pite obape kamali a kalekalenapa i a:na:pi ewena. Ne obape sidina adami sosaweda:mite a:pite obape a:ina sasa ta:temunoyamana.

Auba 1:18

Ya:ikobape lumata: Yausepepe lumata: obai ila a:na:pi edelamadili, obaite Isope luma sosaweda:minamadili ilate kakapa oloda:malelona gi a:na:pi, Isope lumagi eta menagite pa:pa kanika:wamalelo. Ma:ma gi elamalelo gi ase na: enoba LODote ma:ma gilala lalelowa.

Nayu 1:10

Tokobe olate obai papada:minamadili. Sika nidelete daledale edelina luma a:na:pi obai daledale edeli, ilate tila oloda:lona gi a:na:pi obai binida:minamadili.

Sepen 1:14

LODope kabiginapa kadepa a auwapula elelo, patila pa:la elelo. Enamada:la. LODope kadepanapa gwanasaweda: gi sokamabega, kakamalina giwa:lana dalate mamamidelamadili.

Sepen 1:18

Obaimunu silibata: gaolodota:, obaimunu galabe pawada:mina gima pa:pa awapa eda:madili a:ma LODope ga:o kadepala. Obape nugu ilate ololamalelona kadepala wa kabigbega enoba ilate ololamalelo, oba sela a:yata milamalelo a:ibaigala edelina luma waelabega dima.

Sekal 14:1

LODope kadepa pa:lelo enoba kadepala de giwa:la gobala aleleyamana lopala lumate iwatedelamadili.

Malak 3:15

Enobala amapulale gi a tila:mena a:na:pi potada:mina kabigida:na lumate sa:keladili, ameta pa: sogoda:na gi a:na:da:mininina lumate ya:biya:bida:na edeli. Ameta obaite God teteda:te tilite amale emoda:tedili.

Malak 3:18

Da: amale eta bamina gi gwama tilamadelewa, enoba sosawe a:na:da:mininina lumata: gwama sogoda:na gi a:na:da:mininina lumata: gobala, enoba God ewaminina lumata: gwama God pa:pa ewaminina lumata:.

Malak 3:2

Obate pa:lamalelona kadepala powate pa:pa ilapada:maleloya. Powate lelolamaleloya obate pa:lamalelona kadepala. Obate babalelalona ila a:na:pi o lopala wida:mina sopo a:na:pi.

Malak 3:3

Obate ila genagena a:na:pi silibape ani ololadele wiyaminadele pa:kepa:keminadele manalamalelo. A:pite obate Libai luma wida:munote gaolodota: silibata: a:na:pi obaimunu tatali wama wida:munamalelo. LOD amale luma alolamalelo, obaite sogola bapinapa nabidile nagala lopala oba dima alete pa:da:mada:le.

Malak 4:5

Da: tila, LODope ga:o kadepa da:dima pa: pa:lelona tepala na: lope da:dima pa: eda:na gi lope ladolotanapa dalagi Ilai auwaminamalowa.