Malak 3:17 - Godope Awananapa Gilala

¹⁷ Obaite na:dowali luma bapi edelamadili. LOD enoba gi lalelo. Ne gi a:na:mina gi aseminamalowamena kadepala obai na:dowali luma eda:madili. Wawate obape gilalama gima kaminanola, obate a:ma pulagi sa:lele iwalolamalelona gi a:na:pile na: da: iwaledolamalowa.

Malak 3:17 Iomraidhean Croise

Sepen 2:2

Omona:napa tepa pa: saolelona tepala ya:ma kadepa ibowate kakapa alete welelona gi a:na:pi pa:lelo, LODope kamalinapa ga:ote da:dima pa: pa:lelona tepala, LODope kadepanapa mene gite da:dima pa: pa:lelona tepala.

Sekal 13:9

Ya:ma salikiliwanapa pala gobana luma na: ila gobama alete pa:lamalowa, lumate siliba ololetedilina gi a:na:pi tatali binida:mada:le na: obai oloda:malowa, a:pite golod a:na:pi na: obai teteda:te tilamalowa. Obai na:dowali gagima mamamidiwila na: obai dima gilala ladolamalowa, na: a:nege lalamalowa, obai enobai na:dowali luma, a:pite obai a:nege lalamadili, LOD enoba sa:dowali God.

Malak 1:6

Pulagite obape wawa ewama:dele oba dima baolelelona gi a:na:pi pa:pa gisaolapate obape apeyanapadima iya:ta: enoba a:na:pi elamalelo. Na: wawa elamalowamena tepala ba: na: ewama: gi,na: dima gi a:ta:pi dola elamaloya. Na: enoba da:pe apeyanapa, da: pa: awapada:tana: dima baoda: gima. LOD Kamalinapate lalelo. Da: guwali dala, da: na:pe gagi sosaweminadele a:negelatedelewa, a: sa: itusa:mi. Sa: a:pe gagi powa gile sosawe minetedela:ya.

Malak 4:3

Ne gi a:na:minamalowamena kadepala da: a:mai sosawe gi a:na:da:mida:na luma a:i pulu a:na:pi etoda:minamadelewa, LOD enoba gi lalelo.