Malak 3:11 - Godope Awananapa Gilala

¹¹ Na: egada lopala sosaweda:mininina bono lopala ekeda:minamalowa obaite da:pe egada lopala naena gile. A:pite da:pe galip adami i waelabeyagaite alawada:te litatelamadili, na: LOD Kamalinapate lalelowa.

Malak 3:11 Iomraidhean Croise

Osey 2:21

A:ma kadepala na: gilala wisa elamalowa, LOD enoba gi lalelo. Na: sawisakanapimunu gilala wisa elamalowa, a:pite obaite a:ibaigama gilala wisa eda:madili,

Yowel 1:12

Tokobe adami i a sesediwina kipa adami i a ila ediwina, sipolo adami ita: a:pol adami ita:, waelabega egadana i a ila ediwina. Gibapi, lumumunu sa:kela gi a wama kaowena.

Yowel 1:4

Miwalite na:sa:da:miyana lopala tagada:te naniyana, tagada:te na:sa:da:miyana lopala sa:sa: kokowabite naniyana, a:pite sa:sa: kokowabite na:sa:da:miyana lopala eta:mi sa:sa:te naniyana.

Yowel 1:7

Obai na:dowali tokobe adama a kakapada:miwina, na:dowali kipa adami i a sosaweda:miwina. I kaka obai a kwakwaminete wama ba:ba:mite i tata abibilobapi ediwila a: na:sa:da:miwina.

Yowel 2:20

Ne wawi ya:dele pa:diyana giwa:lana da: gobala wabegama alete welamalowa, na: obai wi bininapa a:napa wama galada:minamalowa, obai lopadamate pa:yana gagasila kaolanapa wasewa gobama auda:minamalowa, a:pite a:yatanapa gagasila Meditaliyan wasewa gobama auda:minamalowa. Apite lumumunu obebete pokopoko edelamadili, aula: ipowate sidima dilamalelo. Gibapi obaite a: dima kabigida:na gi a:na:da:miniyana.

Yowel 2:22

Wa gobana wai, da: ege emodela, wa gobana tila a sa:lele apedili. Adami ite adami a alawadaminini, pigi ita: tokobe i adamita: obaimunu ya:biya:bi a alawada:minini.

Yowel 2:25

Miwalite naniyana gogona lopala gima na: gwama wisa elamalowa, kabigida:na miwalita: a:pite kokowabina sa:sa:ta:, eta:mi tagada:ta: gwama eta:mi sa:sa: waelabeyagaita:, enobai giwa:lana dala ne da: gobama auda:miyamana.

A:imo 4:9

Na: waelabega tepama da:dowali egadata: tokobe adami egadata: sosaweda:miyamana, na: bonota: kaka sisida: gita:le egada sosaweda:miyamana, sa:sa:te pig ita: olib ita: naniyana, ameta da:na: dima pa:pa isolada:yamana, LODote lalelo.

A:bak 3:17

Pig adami ite pa:pa sosola da:minadili a:pite ga:lip adami tokobele pa:pa dowatamadili, a:pite olib pa:pa awapamalelona a:pite egadate nana ulama pa:pa alawada:minamalelona, sip ta gobala sip binibega elamalelona a:pite ka:o waite ta gobala bini elamalelona,

A:ig 1:11

Ne kadepa bega gi da:pe wata: sakata: dima dapuloyamana. Ama kadepa ilate de toleyamana lopala sosaweda:miyana enobai, witita: biniyadita: olibita: gwama eta:mi egadana lopalata:. A:ma kadepa ilate lumata: anekekeyapota: atida:yana, a:pite a:pe lopala waelabeyagaite seseda:le sesediyana.

A:ig 2:17

De da:pe maile a:na:da:mineyamana gi waelabeyagai ne gite tila gile gwama gwi lapipilale sosaweda:munoyamana, a:ma gi tideleyamana tepala da:na: dima pa:pa gima kamida:te pa:deyamana, LODote lalelo.

Sekal 8:12

De tolamadelewamena gulimiti sa:lele apeda:madili, ga:lip tokobe adami sa:lele alowada:madili, a:ile nana ulama sa:lele egelamadili, a:pite sawisakale mimida:bite pelolamalelo. Na: pa:diwina lumadima ma:mai gi waelabega dapulamalowa obaite alelamada:le.