Malak 1:6 - Godope Awananapa Gilala

⁶ Pulagite obape wawa ewama:dele oba dima baolelelona gi a:na:pi pa:pa gisaolapate obape apeyanapadima iya:ta: enoba a:na:pi elamalelo. Na: wawa elamalowamena tepala ba: na: ewama: gi,na: dima gi a:ta:pi dola elamaloya. Na: enoba da:pe apeyanapa, da: pa: awapada:tana: dima baoda: gima. LOD Kamalinapate lalelo. Da: guwali dala, da: na:pe gagi sosaweminadele a:negelatedelewa, a: sa: itusa:mi. Sa: a:pe gagi powa gile sosawe minetedela:ya.

Malak 1:6 Iomraidhean Croise

Osey 12:8

Ipala:imite obaya oba awaga gile lalelo. Na: ya:biya:bi kabigibeyagai, na: lopala waelanapa lumagi eyamana. Na:dowali lopala waelabeyagai gobala eta, pa: awapanapa gita: sosawe gita: pa:pa tida:madili.

Osey 4:6

na:pe luma itawa gi bini gile kaokoliyana. Gi ase a: itawa gi a ilapala eyana, na: iya:ta: a:e guwali ela gima a: ilapala elamalowa, gi ase a: a:dowali Godope babala a baiga dapoyana. Na: a:dowali sege iya:ta: baiga dapolamalowa.

Osey 5:1

Da: guwali dala, ma:ma gilala enamada:la Da: Islaelana luma sa:lele enamada:la Enamada:la, da: kanabape genamana, Ma:ma gi bamina gi da: gima pa:lelo. Da: Misipa wala ya:wi a:na:pi edeleyamana, da:pe tiyate Tabo wa egetata weleyana.

Sepen 3:4

Obape Godope gilala ladeletana dala na: awagana: kabigida:na edeli, obai seyada gidana dala. Obape guwali dalate awana saba sosaweminini a:pite kakami gilala ka:keminetedili.

Malak 2:1

Ma:ma enoba LODote guwali dala dima lalelona gilala. Ma:ma enoba da: guwali dalimunu gilala.

Malak 2:10

Sa: waelabeyagai sa: wawa pa: menagita, pa: God menagite sa: a:na:sa:munoyanata. Enobala sa: powa gi asele sa:pe eta:mi ya:denadima se gibapile gi a:na:da:minamada:le gi alilimana bata gi ka:ka:minena:ya. Enoba sa:pe iniwali kakabeyate Gododa gibalamale bata gi miyana gi.

Malak 2:8

Da: ameta gibalama nabidi a elatete da:pe a:na:da:mina gile eta:mi lumumunu a:i gagaminadele obai iya:ta: a:ma sosawe gi da:da a:na:da:minini, LOD Kamalinapate enoba gilala lalelo, da: ne Libai lumada gibalama bata ete miyamana gi a ka:ka:minenewa.

Malak 3:5

Enobala na: LOD Kamalinapate lalelowa, na: gi bamina gima da: auwama pa:lamalowa. Na: wasiwada:nata: ato ili dala ilinata: sewatale gilala lada:nata: okona lumumunu wisa papala ilile aleda:nata: gaigiyanata: gwama gamisinata: a:pite salipana a:ima etoda:mininina lumata: atakabina lumadima gi pa:pa sogolale a:na:da:mininina lumata: a:pite na: pa:pa emodilina lumata: obaimunu gi babamudamonamalowa.