Malak 1:4 - Godope Awananapa Gilala

⁴ Isope wapiki palanate Idom wala a:negelalili, sa: enobai a pa: awapada:na gi binina luma edela:. Sa: se ma:ma pa: awapanapa sosawe dolabega ete dololona gi gwama sa:lemite baiga gwama a:na:minamadili. LOD Kamalinapate lalelo. Obai kanika:napa baiga gwama a:na:minamadili. Na: ameta ya:ma baiga gwama lapote sosaweminamalowa. Obaimunu wa enoba sosawe bapinapa wa elamalelo, sosawete dolamunamalelo. Lumate LODope ga:o gi gobala elomina tepala edelamadili.

Malak 1:4 Iomraidhean Croise

A:imo 1:11

Ma:ma enoba LODote lalelona gilala, Idomope sosawe gi salikiliwa gima, o sakisaki gima na: na:dowali ga:o gi pa:pa ekeminamalowa. Gi ase obate obape wabeya giwa:la gilile atate weleyana, awe iwalela gi bini eladele gi ase oba gwana gobala awe gi bini eloyana. Obape ga:o gite oba gamominaleyala obape gwana gobala ilate babalela pela eyana a:pite sa:emina gima pa:pa awapa eyana.

A:imo 3:15

Na: ga:ga: tepala eda: genama gaminamalowa gogo tepala edeletedilina genamada iya gaminamalowa, na: lumate sa:lele sa:leda:miniyana waya:dena gegenama gagamunamalowa a:pite lumate eda: gima ga:geminiyana gegenama gagamunamalowa LOD enoba gi lalelo.

A:imo 5:11

A: lopala binina luma a:ima etoda:mineno a:pite obai gamobegada:mineno a: dima kon apilamada:le. Enobala a: sa:sa:lena gegenema ba:kelele a:na:da:munoyana, ameta a:mai gegenamala a: pa:pa elamalelo, a: sa:sa:lena tokobe adami toloyana a: ameta a:mai waen pa:pa nidolamalelo.

A:imo 6:11

LODote kamalinapa gilala a lawena, a:pite obate kabiginapa genama titiminamalelo, a:pite kokowabina gegenama alisasi bapida:minamalelo.

A:imo 6:2

Da: Kanelema wama na:da:te a:ma wa tilamadelewa, amale gwama Amat kabiginapa wama na:da:madelewa, a:pite amale gwama Pilisitiyanapa wa Gatama kola:madelewa. Obaimunu baiga sa:lesegeyagita ameta da:dowali baiga sosawe beyagaita. Obaimunu a:i kabigida:beyagaita ameta da:dowali a:i pa: kabgida:beyagaita.

Auba 1:1

Aubadayate tiliyana gi. Ma:ma enoba Sidinapa LODote Idom wa gima lalelona gilala. Sa: LOD dile pa:yana gilala a enamadilimana. Gigiwinapa lumagi a wa waelabegama auwamiyana, obate layana, da: pa:da:la saga oba giwa:lama na:da:.

Auba 1:10

Gi ase a: ilile lopala aleladele a:dowali luma dapoloyana enobai Ya:ikobipe wapiki palana luma, a: ameta pisala egelamalelo, obaite a: lapowila a: binilale binilamalelo.

Malak 1:3

Na: ameta Isodima ga:oladele obape ela saba podo saka waelabeyagai sa:sa:lena gite pa:pa dowatelamada:le gi bininapa wa miyamana. A:pite obape ya:biya:bi gi a:na:pa wa ite pa:pa apedilina wala edelina wa soka:dima datayamana.