Malak 1:11 - Godope Awananapa Gilala

¹¹ Kadepate dilelona palata: gwama siliminanona palata:le na:dowali gagite kabiginapa elelo, enoba a:ibaiga wa kabigibegale. Waelabega a:ibaigala lumate na:dowali gagi gima sa:lele ipowada:na nagala lopalata: awapada:na nagala lopalata:le balelaminamadili. Gi ase na: enoba Kamalinapa LOD.

Malak 1:11 Iomraidhean Croise

A:imo 9:12

a:na:pile Islael lumate Idomonapimunu wa pala egelamadili a:pite na:dowali gagile edelina luma, ma:mai gi a:na:da:mida:napa LOD enoba gi lalelo.

Maik 5:4

Obate lelate obape Sip iwa:la elamalelo LODope kamalile, enoba obape LOD Godope kamalile. Amale obaite galabe gi bini sa:lele edelamadili, amale obape kabigi gite a:ibaiga a:yatada: atida:malelo.

Sepen 2:11

LODote obai kabigibegale emo gi datamalelo, obate wa gobana ididali waelabega dapolamalelona tepala. Baigabaiga waelabeyagaite oba balelaminamadili, opa:pa:yana osasamale pa:diyana lumate oba balelaminamadili obaimunu wa gobala eda:dele.

Sepen 3:9

Amale na: waelabega lumumunu magata pi wida:munamalowa, obai waelabeyagaite LODope gagi omonenamada:le a:pite menagimite oba dima gisaola edelamada:le.

Sekal 8:7

Ma:ma enoba LOD Kamalinapate lalelona gilala, na: kadepate pulelona palale dowatilina wata: gwama kadepate siliminanona palatale dowatilina wata:le edelina na:dowali lumumunu galabe pawamidamamalowa.

Malak 1:14

Powate lumagite obape sip wai ta gobala sapenapa dalagi sip wai Lod dima ata gi late ameta eta palewadanapa atamalelona a:ma lumagite pa:pa awapa elamalelo gi ase na: enoba kabiginapa Kanaba, Kamalinapa LODotelalelo, a:pite a:ibaiga kabigibegale na:dowali gagi awanada dololamamlelo.

Malak 3:3

Obate ila genagena a:na:pi silibape ani ololadele wiyaminadele pa:kepa:keminadele manalamalelo. A:pite obate Libai luma wida:munote gaolodota: silibata: a:na:pi obaimunu tatali wama wida:munamalelo. LOD amale luma alolamalelo, obaite sogola bapinapa nabidile nagala lopala oba dima alete pa:da:mada:le.