Maik 7:3 - Godope Awananapa Gilala

³ Obaimunu mai saki sosawe a:na:mina gima a itawa bapi ediyana. Obai apeyanapate lumadile nagala lopalama gi alilelo, a:pite gi babamida:napate pa: nabidile lopala iwida:mineno. Kakamalina lumate kamalile obaite iwida:mininina lopala apeyana edeli. Obaite sosawena gi menagimite a:na:da:minini.

Maik 7:3 Iomraidhean Croise

Osey 4:18

Obaite nida: wi a binidiyana tepala, obaite obebe ewada: gima tumidiyana, obai apeyana dalate pisala a:na:da:mina gi awele iwalediliyana.

Osey 7:3

Obaite a:na:da:mininina sosawena gile obaimunu kanaba dalagi sa:kelaminili. A:pite kanaba dalagipe pulagi iya:ta: sa:kelaminili obaimunu sewata gile.

A:imo 5:12

Gi ase na: a:dowali sosawe gi waelabeyagi itawa, a:pite a:dowali kabigida:na sosawe gi iya:ta:. A: sogolale edelina lumadima giwa:la eladele ameta pa: sogola nabidile gi alelalo, a:pite da: gi bamina sabale aitapadilina lumate sogolale gi bamina gima obai ilapala da:minenewa.

Maik 2:8

Ameta amapulale na:dowali luma a patimadiwina enoba giwa:lana luma a:na:pi. Da: wisa kabigida:na kaliko a wama kwaima:yamana, pa: gi pa: gi eda:dele nabidi tepala na:diliyana lumadile, giwa:la sabale gwama baigama pa:diliyana dala a:na:pi.

Maik 3:11

Obape gaganabinate wisama gi babamina gi a:na:da:minini, obape guwali dalate wisa gima wala gilala ladili, obape pa: saoda:na gi lope ladeletedilina dalate pa: saoda:na gite saoda: gima lope ladeliyana, kipale gosa alelamada:le. A:ma gi gobale obai LODope gagile gilala gwalemini. LOD sa:da elelota. Sa:dima eta galabe gite pa:pa pa:lamalelo.

Maik 3:2

Da: sogola gima ilapala eda:dele ameta sosawe iwiminenewamena luma, na:pe lumumunu kaka ta:ta:minenewamena luma gwama obaimunu gosasa gobala sesepo ta:ta:minenewamena luma,