Maik 5:8 - Godope Awananapa Gilala

⁸ Dibulama alete na:da:dele na:sa:da:miyana Ya:ikobope luma menagigida:te eta:mi a:ibaigada edelamadili, luma waelabega gobala. Laiyon a:na:pi da:niya gobana wa waida elelo. Apela kanika:napa laiyon a:na:pi sip gagasila gobala elelo, a:pite oba amowanapate pa:pa amowamalelo.

Maik 5:8 Iomraidhean Croise

Osey 5:14

Na: Ipala:imi dima layon a:na:pi elamalowa Yuda lumadima kabiginapa layon a:na:pi elamalowa. Na: obai tatalada:munote a:pite wama welamalowa, Na: obai wama a:ipatite welamalowa, eta lumagi bini obai a:gegeda: gima.

Maik 2:12

O Ya:ikob, na: gibalamale da: waelabega menagi sabama gaogoda:munamalowa, na: giwa:lale wama alete saoda:dele na:sa:da:miyana Islaelana luma gwama menagida:minamalowa. Na: obai ta gobana sip a:na:pi gaogoda:munamalowa. Sip gagasila a:na:pi sa:sa:lena tiladanapa wala edelamadili. Luma waelabeyagaite a:ma wala edelamadili.

Maik 4:13

Patate obai dapo, O Sayonope aminagi, gi ase na: a: dima auli kalita apulamalowa, na: a: dima blons a:i kati apulamalowa a:pite a: waelabega a:ibaiga ka:ka:munamalelo. A: obai dapolote obaite ilile aleliyana sa:sa:lena lopala waelabega alelote pa:te LOD dima apulamalelo. Enoba a:i baigana waelabeyagimunu LOD.

Maik 4:7

Na: a:i sauda:na luma ameta lumadana da:minamalowa. Obaite kamalinapa a:ibaiga wama egete na:diyana, LODote Sayon podo sakale obai apeyanapa elamalelo, a:ma kadepala asemite elomina tepama.

Maik 5:3

Enoba gi asele Islael wa a: dololola wete susa:gite pulagi aminamalelona tepama saolamalelo. A:pite obape iyani menagigida:te gwama baigama pa:da:madili Islael dima gwama ga:eda:mada:le.

Maik 7:18

Powate a: God a:na:piya, obate sosawena a:na:da:mina gi sawada:munote kobele etanapa, obape wala edelina na:sa:da:miyana lumadima. A: pa:pa elomina tepala ga:olotanapa ameta kabiginapa awe iwalela gi kekemina gima sa:kelalo.

Sekal 10:5

Obai daligile kakamalina dala a:na:pi eda:dele bodadana nabidile giwa:la edelamadili. Gi ase LOD obaida elelo, obai giwa:la eda:te osole wamidilina dala a:ima ba:ba:minamadili.

Sekal 11:6

LODote lalelo, na: amapula ma:ma wana luma pa:pa mamanada:munamalowa. Na: obai waelabeyagai obai ebatala edelina lumata: gwama obaimunu kanabata: dima dapulamalowa. Obaite wa a:ile etominamadili, a:pite obaimunu kamali gobala na: obai pa:pa wama alete saolamalowa.

Sekal 12:3

Ya:ma kadepala, enoba a:ibaigana luma waelabeyagaite oba dima giwa:la edelamada:le pa:da:madilina, na: waelabega baigabaigadima Yelusalem kalekalenapa ba:kele minamalowa. Obaite wama galaminamada:le a:pidelamadilina tepala ameta obaiya obai galabe da:minamadili.

Sekal 14:18

Isipt wana lumate pa:pa dida:te balelaminamadilina, obai iya:ta: gwi bini edelamadili. Bikiwa poko a:na:da:minamada:le pa:pa dida:madilina luma LODote eta:mi baiga dapoyana gitetila gi menagile obai dapolamalelo, obaite bikiwa poko gima pa:pa dida:madilina tepala.

Sekal 9:15

a:pite LOD Kamalinapate obaimunu a:wa saba elamalelo. Obaite ba:kele ditila lopalale luma dapolete a:ima ba:ba:minamadili. Obai sika nidiliyana luma a:na:pi mamamida:te midelamadili, obai enobai tawanapa kabuwa a:na:pi eda:madili lumate awana ba:kele genema sokotama wi pa:sa:pa:sa:da:minamadili.

Malak 4:3

Ne gi a:na:minamalowamena kadepala da: a:mai sosawe gi a:na:da:mida:na luma a:i pulu a:na:pi etoda:minamadelewa, LOD enoba gi lalelo.