Maik 5:3 - Godope Awananapa Gilala

³ Enoba gi asele Islael wa a: dololola wete susa:gite pulagi aminamalelona tepama saolamalelo. A:pite obape iyani menagigida:te gwama baigama pa:da:madili Islael dima gwama ga:eda:mada:le.

Maik 5:3 Iomraidhean Croise

Osey 11:8

O, Ipala:im, na: a: ilapala ela gima pa: awapa. O Isalalel, na: pa: awapa eta:mi lumadima a: elatela gima, Ne Adma dima a:na:miyamana gi a: dima a:na:mina gi pa: awapa. Ne Seleboim dima a:na:miyamana gi a: dima a:na:mina gi pa: awapa. Na:dowali alipo a na: gobala opa:ya eyana, a:pite na:dowali kabiginapa awe iwalela gi a: dima a sidima diwina.

Osey 2:14

Enobala na: oba giminamalowa, na: oba a:napa wama lopama:te welamalowa a:pite oba dima nagalale mamana:mina gilala ladolamalowa.

Osey 2:9

Enobala na: kon ulama kakalewela wama auwaminamalowa, a:pite na:dowali kanika:napa adami wi sa:lewela. Na: na:pe sip konata: na:pe kalikota: gwama alolamalowa, a:pite oba lopala bininapa elamalelo obape abadu kawapila gima.

A:imo 5:15

Sosawe gi ilapala edela, sa:sa:lena gi iwida:mina, gi bamina sabale sogolale gi bamina gi pakamina. Da: a:pidelamadelewamena LOD God Kamalinapate kabiginapa awe iwalela gile Yosepepe eta:mi luma awedolamaleloga.

Maik 4:4

Dala waelabeyagaite obaiya obaimunu tokobe adami i a:iya:dela mitatelamadili, a:pite obaimunu pigi i a:iya:dela, a:pite eta lumagite obai emo gi pa:pa datamalelo, gi ase LOD Kamalinapate a lawena.

Maik 4:7

Na: a:i sauda:na luma ameta lumadana da:minamalowa. Obaite kamalinapa a:ibaiga wama egete na:diyana, LODote Sayon podo sakale obai apeyanapa elamalelo, a:ma kadepala asemite elomina tepama.

Maik 5:7

Ya:ikobope na:sa:da:miyana luma menagigida:te, waelabega luma gobala LODope mimida:bi a:na:pi edeli., Gwama gwi pulu tila sidila dololona gi a:na:pi edeli, obai lumama pa:pa enamadili O luma pa:pa iwida:minini.

Maik 5:8

Dibulama alete na:da:dele na:sa:da:miyana Ya:ikobope luma menagigida:te eta:mi a:ibaigada edelamadili, luma waelabega gobala. Laiyon a:na:pi da:niya gobana wa waida elelo. Apela kanika:napa laiyon a:na:pi sip gagasila gobala elelo, a:pite oba amowanapate pa:pa amowamalelo.

Maik 6:14

A: baya naonamalelo ameta a: gwana pa:pa ilamalelo, a:pe gwana gobala bayate pa:pa dololamalelo. A: lopala gwana elamalelo ameta eta:mi lopalate a:dila pa:pa dowatelamadili gi ase a: e gwana elamalelona lopala na: ameta giwa:la gili dima apulamalowa.

Maik 7:13

A:ibaigate sosawe dola bega elamalelo amale edelina lumumunu gile. Enobai obaimunu a:na:da:mina gile.

Sekal 10:6

Na: Yudape luma kamalida:mite a:pite Yausepepe lumumunu galabe pawamidamamalowa. Na: obai gwama sa:leda:minamalowa gi ase na: obai aweda:lowa. Obai ne lope pa:pa na:sa:da:miyamana luma a:na:pi eda:madili, gi ase na: enoba LOD obaimunu God, na: obai dima gilala wisa ladolamalowa.