Maik 4:7 - Godope Awananapa Gilala

⁷ Na: a:i sauda:na luma ameta lumadana da:minamalowa. Obaite kamalinapa a:ibaiga wama egete na:diyana, LODote Sayon podo sakale obai apeyanapa elamalelo, a:ma kadepala asemite elomina tepama.

Maik 4:7 Iomraidhean Croise

Osey 1:10

Ameta Islaelana lumate ipana sasasa a:na:pi eda:madili domona gi pa: awapa. Pa: na:pe luma gilalate dololoyana sabale obaite elelona LODope sekowabi edelamadili.

Yowel 2:32

A:pite LODope gagi gima mamamidelamadilina a:mai lumate galabe pawamina gi egelamadili, gi ase Sayon sakata: Yelusalem baigalata: galabe pawamina gite dololamalelo, LODote layana gi a:na:pi, enobai galabe gobala wama alete saoyana luma gobala LODote awada:miyana luma.

Yowel 3:17

Da: amale itawa eda:madelewa na:, da:dowali LOD God, Sayon sakala elelowa, na:pe awana saka. Yelusalem enoba awana elamalelo, eta:mi wana lumate pa:pa gwama baiga gobale sa:eda:te na:da:tedelamadili.

Auba 1:21

Yelusalem wana galabe pawada:mida:nate Idom wa lapote a:ma wa tilanapa edelamadili. A:pite LOD oba kopa kanaba elamalelo.

Maik 2:12

O Ya:ikob, na: gibalamale da: waelabega menagi sabama gaogoda:munamalowa, na: giwa:lale wama alete saoda:dele na:sa:da:miyana Islaelana luma gwama menagida:minamalowa. Na: obai ta gobana sip a:na:pi gaogoda:munamalowa. Sip gagasila a:na:pi sa:sa:lena tiladanapa wala edelamadili. Luma waelabeyagaite a:ma wala edelamadili.

Maik 2:13

Nabidi a:na:minapate ogosa gamite obai lopadamate welamalelo, obaite ogosale wama saoda:madili. Obaimunu kanabate obai lopadamate welamalelo, LODote obaimunu lopa bapi elamalelo.

Maik 5:3

Enoba gi asele Islael wa a: dololola wete susa:gite pulagi aminamalelona tepama saolamalelo. A:pite obape iyani menagigida:te gwama baigama pa:da:madili Islael dima gwama ga:eda:mada:le.

Maik 7:18

Powate a: God a:na:piya, obate sosawena a:na:da:mina gi sawada:munote kobele etanapa, obape wala edelina na:sa:da:miyana lumadima. A: pa:pa elomina tepala ga:olotanapa ameta kabiginapa awe iwalela gi kekemina gima sa:kelalo.

Sepen 3:13

Isalalelape gwama pa:da:madilina luma soaswe gi pa:pa a:na:da:minamadili, obaite sewata gilala pa:pa gwalemenamadili, obaimunu magata gobala sewata gi pa:pa dololamalelo. Obaite baya nanete tenedelamadili a:pite eta lumagite obai emo gi pa:pa dapulamalelo.

Sepen 3:20

A:ma tepala na: da: gaogoda:munamalowa, a:ma tepala na: da: baigama alete pa:lamalowa. Na: a: dima awaga gi atamalowa a:pite wa gobana lumate a: dima sa:keladelamadili ne a:dowali sa:sa:lena gi gwama pakakamunamalowamena tepala da:dowali tao luliyabala, LODote lalelo.