Maik 4:13 - Godope Awananapa Gilala

¹³ Patate obai dapo, O Sayonope aminagi, gi ase na: a: dima auli kalita apulamalowa, na: a: dima blons a:i kati apulamalowa a:pite a: waelabega a:ibaiga ka:ka:munamalelo. A: obai dapolote obaite ilile aleliyana sa:sa:lena lopala waelabega alelote pa:te LOD dima apulamalelo. Enoba a:i baigana waelabeyagimunu LOD.

Maik 4:13 Iomraidhean Croise

Osey 10:11

Ipala:im enoba itawa a egeyana ka:o kowabi, obate wit tukumina gi iwimunotoloyana ameta na: a:i pasamina i obape gelanapa madama mimela oba a:i pasamunamalelo. Na: Ipala:im a:i pasamina okoma usumite a:pite oba keyali elamalowa. Yudate a:i pasamunamalelo, a:pite Ya:kobote a:i pasamina gabile a:i dapolamalelo.

Maik 5:7

Ya:ikobope na:sa:da:miyana luma menagigida:te, waelabega luma gobala LODope mimida:bi a:na:pi edeli., Gwama gwi pulu tila sidila dololona gi a:na:pi edeli, obai lumama pa:pa enamadili O luma pa:pa iwida:minini.

A:bak 3:12

A: a:i gobala ilada a:i saominoyana a:pite ga:o gida a:ibaiga waelabega sasada:miyana.

Sekal 12:3

Ya:ma kadepala, enoba a:ibaigana luma waelabeyagaite oba dima giwa:la edelamada:le pa:da:madilina, na: waelabega baigabaigadima Yelusalem kalekalenapa ba:kele minamalowa. Obaite wama galaminamada:le a:pidelamadilina tepala ameta obaiya obai galabe da:minamadili.

Sekal 12:6

Ya:ma kadepala na: Yuda wana kabigida:na dala ila tilimina gobama toda:napa olololona sosopane a:na:pi minamalowa, gwama teya papamina gobanapa ila awa a:na:pi. A:na:pile obaite ya:deta: ya:deta:la edelina luma dapolale dapolamadili, ameta Yelusalem obape sabale sa:lele elamalelo.

Sekal 4:14

Enobala oba a:negelayana. Ma:mai enobai mai etapada:mida:na dala saki, obaite a:i baigala kabiginapa LOD dima gisaola elili.

Sekal 6:5

Oba amale a:negelayana. Ma:mai enobai sawisakana limo sakisaki, obaite LODope sabale wama saoda:te a:ibaiga kabigibegama na:da:tedili.