Maik 3:11 - Godope Awananapa Gilala

¹¹ Obape gaganabinate wisama gi babamina gi a:na:da:minini, obape guwali dalate wisa gima wala gilala ladili, obape pa: saoda:na gi lope ladeletedilina dalate pa: saoda:na gite saoda: gima lope ladeliyana, kipale gosa alelamada:le. A:ma gi gobale obai LODope gagile gilala gwalemini. LOD sa:da elelota. Sa:dima eta galabe gite pa:pa pa:lamalelo.

Maik 3:11 Iomraidhean Croise

Osey 4:18

Obaite nida: wi a binidiyana tepala, obaite obebe ewada: gima tumidiyana, obai apeyana dalate pisala a:na:da:mina gi awele iwalediliyana.

Osey 4:8

Obaite na:dowali lumate sosawe gi wisama apiliyana nagala lopala naniyana, a:pite obai lumate a:na:da:miniyana sosawe gima sa:keladiliyana.

A:imo 5:14

Sa:sa:lena gi uwaladela pa: sosawena gi, de kanika:wadelamada:le. Amale LOD God Kamalinapate da:da elamalelo, de lalelewamena gi obate da:da elelona gi a:na:pi.

A:imo 9:10

Na:pe luma gobala sosawe a:na:da:mida:na lumate giwa:la gilile kaokolamadili, enoba ma:ma gilala latedilina luma, Galabete sa: pa:pa atisa:malelo.

Maik 3:5

Ma:ma enoba LODote lalelona gilala, a:te pa: saoda:na gi lope ladeletana daladima enobaite na:pe luma wama alete ka:odili. Menagi lumagite obai baya dapulamalelona obai gela gi kekeda:minini. Oba ma:ma gi pa:pa a:na:minamalelona obai ameta a:ma lumagidima giwa:la gile wisa ata gima sa:ledili.

Maik 7:3

Obaimunu mai saki sosawe a:na:mina gima a itawa bapi ediyana. Obai apeyanapate lumadile nagala lopalama gi alilelo, a:pite gi babamida:napate pa: nabidile lopala iwida:mineno. Kakamalina lumate kamalile obaite iwida:mininina lopala apeyana edeli. Obaite sosawena gi menagimite a:na:da:minini.

Sepen 3:3

Obape opisol dala enobai kakamalina layon a:na:pi ulupodili, obape gaganabina dala enobai debe tepala wamideletedilina wa soka: edili, obai eta kadepana nana lopala pa: alitana.

Sepen 3:4

Obape Godope gilala ladeletana dala na: awagana: kabigida:na edeli, obai seyada gidana dala. Obape guwali dalate awana saba sosaweminini a:pite kakami gilala ka:keminetedili.

Malak 1:10

LOD Kamalinapate lalelo, Na: iwimina:nowa da: gobala eta lumagi pa:pa tilalowa ya:ma balelamina genama ogosa kamina gima a:pite da: sosawena gi pa:pa a:na:da:minadele na:dowali gagi sosawe minamadelewa. Da:pe mailena: dima nagala eda:madelewamena nagala lopala gima na: pa:pa awapage lalamalowa.

Malak 2:9

Na: enobala luma waelabeyagimunu sosoko palala da: pa: awapada:na lumage lalelowa, de a:ma gipe alikikimina gi gobala gi bini meneda edelamada:le. Gi ase da: ne iwiminowamena gima pa:pa kamida:te a:na:daminenewa. Da: ameta luma waelabeyagai pa:pa na:dowali babalada awapale obai amowadelewa.