Maik 2:13 - Godope Awananapa Gilala

¹³ Nabidi a:na:minapate ogosa gamite obai lopadamate welamalelo, obaite ogosale wama saoda:madili. Obaimunu kanabate obai lopadamate welamalelo, LODote obaimunu lopa bapi elamalelo.

Maik 2:13 Iomraidhean Croise

Osey 1:11

Yuda wana lumata: Islael wana lumata: obaite gwama menagiminamadili. Obaite menagi kanaba dalagi pakaminamadili a:pite obaite ya:ma wa gobale wama saoda:madili, gi ase Yeselelepe kadepate kabiginapa kadepa elamalelo.

Osey 13:14

Na: olawape kamali gobala obai wisale pa:pa alolamalowa, na: kaola gobale obaimunu galabe pa:pa pawamidamamalowa. Kaola, a:dowali kamali egete pa:ya:, Olawa, a:dowali luma dapololona kamali egete pa:ya:, na: obai pa:pa awedolamalowa.

Osey 2:2

Da:dowali agi anadela, oba anadela Gi ase oba pa: na:dowali susa:gi, Na: pa: obape dalagi. Awapa oba ya:ma dala bilibilinapa tao lotobada: gi obape sosokole wama milamalelo. A:na:pi obape omo saki tepa tepala pa: sogolale ela gi wama elatela gi awapa.

Osey 3:5

A:ma gi a:yatala Islaelana lumate LOD obaimunu Godota: Da:ibid obaimunu kanabata: uwaledelamadili. Obaite emoda LOD dima pa:da:madili, a:pite a:yatana kadepala obaite obape sa:kelamina gi gobama pa:da:madili.

Maik 2:12

O Ya:ikob, na: gibalamale da: waelabega menagi sabama gaogoda:munamalowa, na: giwa:lale wama alete saoda:dele na:sa:da:miyana Islaelana luma gwama menagida:minamalowa. Na: obai ta gobana sip a:na:pi gaogoda:munamalowa. Sip gagasila a:na:pi sa:sa:lena tiladanapa wala edelamadili. Luma waelabeyagaite a:ma wala edelamadili.

Maik 3:1

Amale na: layamana, da: Ya:ikobope gaganabina gilala enamada:la, da: Islael genama gobala edelewamena. Da: sogolanapa gi bamina gi itawa eda: awapa.

Maik 4:7

Na: a:i sauda:na luma ameta lumadana da:minamalowa. Obaite kamalinapa a:ibaiga wama egete na:diyana, LODote Sayon podo sakale obai apeyanapa elamalelo, a:ma kadepala asemite elomina tepama.

Sekal 10:12

Na: LOD gobala obai kamalida:minamalowa, a:pite obaite obape gagile wamidelamadili, LODote lalelo.