Lut 2:11 - Godope Awananapa Gilala

¹¹ Bowa:s ameta Lutipe gilalama wisa eladele a:negelayana, a:pe dalagite kaoyana wapiki palala e a:pe apiladima a:na:da:munoyana sa:sa:lena gi waelabega na: a enamadoloyamana, gwama e a:pe agita: wawata: gwama wa bapita: a:ta:pi na:sa:da:mite pa:la ete e lope pa:pa tidoloyana luma gobama pa:te saoyana gi na: a enamayamana.

Lut 2:11 Iomraidhean Croise

Lut 1:11

Amale Naomi obai sakidima a:negelayana, Na:dowali amina saki, da: da:pe baiga ya:bima gwama na:na:malelewa. De na:da pa:la gi pa: awapa. Da: iwalelelewata ne eta:mi dala sege amunomela, de awalidelamalale.

Lut 2:10

Enobala Lut obape asimisile manate a:ima baoladele Bowa:sadima a:negelayana, powa gi ase a: na: atakabinapa lumagi awena:delena: dima nagala eleloya.

Lut 2:12

Awapa a: LODope kabiginapa amowa gi itawa elamalelo. E Naomidima awapada:na gi a:na:da:munoyana gima. Awapa a: Islaelana lumumunu LOD Godope kabiginapa amowa gi itawa elamalelo, ase a: obadila galabe pawamina gi egelamalale pa:yana.

Lut 3:10

A:pite Bowa:sate Lutidima a:negelayana, LOD a:da elamalelo. E a:pe apila Naomidima a:na:da:munoyana gi enoba awapa ameta e amapulala a:pe udaga iwaleladele a:na:minamalale iwiminanona gi enoba sa:lepula balama. A: apela kanika:napa dalagidima a:na:pi lopalada:na o pa: lopaladanapadima welanapa awapama ewena, ameta a: ma:ma gi pa:pa a:na:miwina.

Lut 4:15

Gwama a:pe apilate a: awe iwalelale iwaleladele kabiginapa gi a a:na:miwina a: dima, a:na:pi 7 segete a: dima a:na:da:minamadilina gi kowabisege, gwama obate amapula a: dima a:iwa a atawena, obate a: dima kanika:napa kanika:wa atamalelo a:pite a:pe kabeyagi tepala a: sa:lele tilamalelo.